Bd bhakat Episode 7

 سچی : کہانی بد بخت

قسط نمبر : 7

سنو ۔۔۔۔ اپنے گھر جانا ھے تم نے ؟؟؟

نمل نے سر اٹھا کر جازب کی طرف دیکھا۔۔۔۔

جازب کا دل زور زور سے دھڑک رہا تھا وہ اس کے منہ سے انکار سننے کا منتظر تھا۔۔

جازب کی بات سن کر پہلے تو وہ بے یقینی سے اسے دیکھنے لگی پھر ایک دم وہ خوشی سے اچھل پڑی ۔۔۔۔

جازب اسکے چہرے پر پھیلی خوشی دیکھ کر افسردہ سا ھو گیا۔۔۔۔۔

لیکن اسکے اداس چہرے پر آتی بہار دیکھ کر بولا۔۔۔۔

چلو پھر لیکن منہ دھو کر بال سمیٹ لو ۔۔۔

نمل بجلی کی سی تیزی سے اٹھی منہ دھوکر بال سلیقے سے سمیٹے جازب کے سامنے تھی ۔۔۔۔

اب جلدی کرو پلیز ۔۔۔۔

جازب نے ایک نظر غور سے دیکھا اسے اسکے چہرے کی چمک مانند پڑ چکی تھی جسے دیکھ کر وہ اندھا ھوا تھا یہ وہ نمل لگ ہی نہيں رہی تھی پانچ دنوں میں وہ مرجھا کر رہ گٸ تھی اسکی تحویل میں ۔۔۔۔

نمل بچوں کیطرح بے چین تھی کیا دیکھ رھے ھو جانا نہيں ھے کیا ؟؟

جازب نے چپ چاپ چابیاں اٹھاٸیں وہ اسکے پیچھے پیچھے چل پڑی ۔۔۔۔۔

باہر لان میں شاہ جی عامر اور اسد تینوں موجود تھے ۔۔۔

اری او باگڑ بلی ۔۔۔۔ شاہ جی کی آواز پر وہ پلٹی ۔۔۔۔

معاف کر دینا ھمیں ۔۔۔۔

اور سنو اگر وہاں محلے میں زیاہ پریشانی ھوٸ تو کسی سے الجھنا مت کیونکہ لوگ گرے ھوۓ لوگوں کو اٹھاتے نہيں اکثر دفنا دیتے ھیں ۔۔۔۔

دو جملوں میں شاہ جی بہت گہری بات کرگیا تھا ۔۔۔۔

تم گھر تبدیل کر لینا۔۔۔

تمھارے ماتھے سے یہ بدنامی کاداغ ہٹے گا تو نہيں لیکن مانند ضرور پڑجاۓ گا۔۔۔۔

اور ہاں میری بمپررر آفر پر بھی غور کر لینا قابل قبول سمجھا تو یاد کر لینا بندہ حاضر ملے گا ۔۔۔۔

شاہ جی نے مسکرا کے نمل کی آنکھوں میں جھانکا جہاں واپسی کی ذلت خاموش طوفان کی صورت تھی ۔۔۔۔

میں جانتا ھوں تم بہت کچھ کہنا چاہتی ھو لیکن کہہ نہيں پا رہی ۔۔۔۔

کہہ دو جو کہنا ھے نکال لو اپنی بھڑاس ۔۔۔۔

وہ اپنے گالوں سے آنسو صاف کرتی بولی ۔۔۔

اب کچھ نہيں کہنا مجھے۔۔۔ بلکہ سننا بہت کچھ ھے ۔۔۔۔۔

اگر واپسی کے راستے تم پر بہت تنگ یا بند ھو گۓ تو آجانا یہاں واپس۔۔۔۔

جازب کی بات سنکر وہ طنزیہ مسکراٸ۔۔۔۔۔

اس در پر کیسے واپس آٶنگی جسکی وجہ سے مجھ پر ہر دروازہ بند ھوا۔۔۔۔۔

وہاں موجود سب کی نظریں جھک گٸیں ۔۔۔۔۔

شاہ جی آنیوالے وقت پر نمل کو پڑنے والے طمانچوں کی گونج سن کر بولا۔۔۔۔

معافی مانگ سکتے ھیں تم سے۔۔۔۔۔ کہو تو پاٶں پڑ کر معافی مانگتےھیں۔۔۔۔

اپنے اندر کے درد کو وہ لفظوں میں سمو کر بولی۔۔۔

آپکو میرے پیروں میں پڑنے کی ضرورت نہيں جو رسواٸ کی بیڑیاں ڈال دیں میرے پیروں میں انکا بوجھ تاحیات کافی ھے میرے لیۓ ۔۔۔۔

____________

حافظ صاحب فجر کی نماز کیلیے مسجد دروازہ کھلا چھوڑ کر گۓ اس امید پر کہ شاید وہ گھر واپس جاٸیں تو نمل موجود ھو ۔۔۔

ابھی بھی اپنے رب سے وہ گڑگڑا کر اپنی بیٹی کی سلامتی اور واپسی کی دعائيں مانگ رھے تھے۔۔۔

اے میرے رب اتنا نا آزما کہ میرے دعا کیلیۓ اٹھتے ہاتھ تھک جاٸیں اور میں مایوسی کی چادر میں لپٹا تیرے در سے خالی ہاتھ لوٹوں ۔۔۔۔۔ اے رب تیری شان کے خلاف ھے یہ کہ کوٸ تیرے در سے خالی لوٹے ۔۔۔۔

میں نے ھمیشہ تجھ سے اپنی لو لگاٸ ھے تیری ہی طرف دیکھا ھے مجھے میرے گناہ کی کوٸ اور سزا دے دے لیکن یہ سزا نا قابل برداشت ھے تیرے اس کمزور سے بندے کیلیۓ ۔۔۔۔

حافظ صاحب کے آنسو سجدے میں گرنے سے پہلے گر پڑے۔۔۔۔۔

جازب کی گاڑی نمل کے دروازے پر آکر رکی ۔۔۔۔ نمل نے بے یقینی سے اپنے گھر کو دیکھا پھر جازب کیطرف دیکھا ۔۔۔۔

جو بڑی حسرت سے اسے تکے جا رہاتھا ۔۔۔۔

اسکا دل چاہا وہ اسکا گریبان پکڑ کر دھاڑیں مار مار کر روۓ کہ کیسے کریگی اب وہ سب کا سامنا کیسے یقین دلاۓ گی اپنی پارساٸ کا۔۔۔۔ کیا حالت ھوگی اسکے باباکی۔۔۔

اپنے ساتھ ہزاروں سوالوں کا بوجھ لیۓ وہ گاڑی سے اتری تو ایک بیگ جازب نے اسے تھمایا ۔۔۔۔

تمھارے زیورات ھیں اسمیں ۔۔۔۔

نمل بولی اسکی ضرورت نہيں مجھے ۔۔۔۔

ضرورت مجھے بھی نہيں تھی لیکن اس لیۓ اٹھاۓ تھے کہ یہ چوری کا کیس لگے۔۔۔۔۔

نمل خاموشی سے بیگ تھام کر دروازے پر دستک دینے لگی تو دروازہ کھل گیا۔۔۔

نمل نے اپنے گھر کی دہلیز پر پاٶں رکھا اور پلٹ کر جازب کیطرف دیکھا تو وہ جا چکا تھا۔۔

________

بختی کو مسز جمال کے گھر میں کام کرتے ہوئے آج دوسرا دن تھا بختی کے کام سے مسز جمال بہت خوش تھی۔۔۔۔۔

وہ سارا دن خاموشی سے اپنا کام کرتی اور رات کو سرونٹ کوارٹر میں جا کر سو جاتی اماں ہاجرہ کے ساتھ ۔۔۔۔

اماں ہاجرہ ان کے گھر میں صفائی کا کام کرنے والی ماصی تھی۔۔۔۔۔

مسز جمال کے شوہر اور اس کے بھائی بزنز ٹور سے ملک سے باہر گئے ہوئے تھے آج انہوں نے واپس آنا تھا اور مسز جمال نے بختی سے کھانے کا اچھا خاصا انتظام کروایا۔۔۔۔۔۔

بخی اپنے کام میں مصروف جیسے ھی کچن سے باہر آئی تو اندر آتے مسز جمال کے بھاٸ شہیر سے ٹکرا گئی اس کے ٹکرانے پر وہ غصے سے بولا اندھی ہو تم تمہیں نظر نہیں آتا۔۔۔۔۔

بختی نے شہیر کی طرف پلکیں اٹھا کر دیکھا اور معذرت کی۔۔۔۔

شہیر نے جب اسے دیکھا تو وہ اس کی معصومیت میں گم سا ہوگیا بلا کی کشش تھی اس کے عام سے نین نقش میں۔۔۔۔۔

بختی نے اس کے گھورنے پر جلدی سے اپنا دوپٹہ درست کیا اور واپس کچن کی طرف پلٹی۔۔۔۔

وہ پیچھے سے اس کی چٹیاں دیکھتا رہا جو اس کے گھٹنوں سے نیچے تک آ رہی تھی۔۔۔۔۔

شہیر اسے ھی دیکھ رہا تھا کہ جمال کی آواز پر چونکا۔۔۔۔

صاحبزادے راستے میں کیوں کھڑے ہو ۔۔۔۔

وہ سر جھٹک کر بولا کچھ نہیں بس ایسے ہی۔۔۔۔

وہ دونوں تھکے ہارے صوفے پر بیٹھے۔۔۔۔۔

جمال نے انعم کو آواز لگائی ۔۔۔۔

جمال کی دوسری آواز لگانے پر بختی پانی ہاتھ میں لیۓ کچن سے باہر آٸ ۔۔۔۔۔

جمال کی نظریں بھی پل بھر اس پر ٹک گٸیں ۔۔۔۔

صاحب جی انعم نہيں ھے ۔۔۔۔

بختی کی نازک سی آواز نے شہیر کی کانوں میں رس گھولا۔۔۔۔

تمھارا نام کیا ھے۔۔۔۔۔

بختی سوچ میں پڑ گئی کہ ہر کوئی اسی کا نام کیوں پوچھتا ھے ؟؟

شہیر کے پھر سے پوچھنے پر وہ بمشکل بولی ۔۔۔۔

خوش بخت ۔۔۔۔

بختی کو جمال کی مسلسل گھورتی ھوٸ نظریں چھبتی ھوٸ محسوس ھوٸیں کیونکہ اس کے دیکھنے کا اندز بہت عجیب تھا ۔۔۔۔

مسز جمال کے آتے ہی وہ کچن میں غاٸب ھو گٸ ۔۔۔

___________

حافظ صاحب مسجد سے گھر پہنچے تو دروازے پر انہیں ایک عجیب سے احساس نے گھیر لیا۔۔۔

دروازے کو چھوتے ہی انھیں نمل کا لمس اپنے ہاتھوں پر محسوس ھوا۔۔۔

انھیں یوں محسوس ھوا جیسے نمل موجود ھے ۔۔۔۔

دل ہی دل میں دعا کرتے وہ آگے بڑھے تو نمل بھاگ کر انکے سینے سے لپٹ گٸ۔۔۔۔

حافظ صاحب نے بے یقینی سے نمل کو چھوا کہ کہیں یہ انکا خیال تو نہيں ۔۔۔۔۔۔

لیکن بیٹی کو خود سے لپٹتا پاکر وہ رو دیۓ۔۔۔۔

میری بچی میری جان انہوں نے اسے اپنے سینے میں چھپا لیا۔۔۔۔

باپ بیٹی کے ملن کا یہ منظر دیکھ کر آسمان بھی چھم چھم برس پڑا۔۔۔۔۔

وہ سو بار باپ کے سینے سے لگی تھی۔۔۔۔

وہ بار بار اسکا ماتھا چومتے ۔۔۔۔

باپ بیٹی ایک دوسرے کو دیکھ کر تھکے نہيں تھے۔۔۔

حافظ صاحب کا بس نہيں چل رہاتھا کہ وہ اپنے رب کا کیسے شکر ادا کرتے۔۔۔۔

نمل کا اترا اترا چہرہ آنکھوں کے گرد سیاہ ہلکے پھیکی پڑتی چہرے کی رنگت دیکھ کر انکے آنسو تھم ہی نہيں رھے تھے۔۔۔۔

بھوک لگی ھے نا تمھیں۔۔۔۔۔

اس نے ہاں میں سرہلایا ۔۔۔

میں لاتا ھوں ناشتہ ۔۔۔

تم بدل لو یہ لباس تم پر نہيں اچھا لگ رہا ۔۔۔۔

نمل سمجھ گٸ کہ وہ ایسا کیوں کہہ رھے ھیں ۔۔۔ کیونکہ اب وہ اس لباس کے قابل نہيں رہی تھی۔۔۔۔۔

حافظ صاحب ناشتہ لینے باہر گۓ تو ھمیشہ کیطرح سب نے ہی نمل کا پوچھا۔۔۔۔

وہ خاموشی سے سبکو نظرانداز کرتے ھوۓ گھر آۓ۔۔۔۔

بابا جانی آپ مجھ سے کوئی سوال نہیں پوچھیں گے کہ میں کہاں تھی اور کیسے واپس آٸ۔۔۔۔ کون مجھے لے گیا تھا ۔۔۔۔۔

وہ نمل کا ماتھا چوم کر بولے ۔۔۔۔میری بچی میں تمھارا باپ ھوں زمانہ نہيں کہ تم سے تمھاری بے گناہی کا ثبوت طلب کروں ۔۔۔۔

تم سہی سلامت میرے سامنے ھو میرے لیۓ اس بڑی کوٸ خوشی نہيں ۔۔۔۔

دونوں نے شکرانے کے نوافل ادا کیۓ ۔۔۔

جاۓنماز پر بیٹھے حافظ صاحب کے شدت سے بہتے آنسو دیکھ کر بولی ۔۔۔

بابا جانی ۔۔۔۔ آپکے آنسو اس خوف سے نہيں رک رھے نا کہ آپکی بیٹی اپنی عزت اپنا مان آپکا غرور اور آپکا نام سب کچھ لٹا کر واپس آٸ ھے ۔۔۔۔

وہ خاموش رھے ۔۔۔

وہ انکے چہرے کا رخ اپنی طرف کر کے بولی ۔۔۔۔

بابا جانی یہاں دیکھیں میری طرف۔۔۔۔ کچھ تو پوچھیں مجھ سے میں کیسے آٸ واپس کیا ھوا تھا میرے ساتھ۔۔۔۔

نہیں ھے میری سماعتوں میں اتنی ھمت کہ میں اپنی ہی بیٹی کی رسوا ھونے کی بے آبرو ھونے کی داستان سنوں۔۔۔۔۔

مر جاٶنگا میں ۔۔۔۔

ایسے تو نا کہیں بابا جانی۔۔۔۔

بے بس باپ کو دیکھ کر نمل انکے گلے سے لگ گٸ۔۔۔۔

آپ سے کس نے کہا کہ آپکو میں بے آبرو ھونے کی داستان سناٶنگی۔۔۔۔

بابا آپکی گڑیا محفوظ رہی آپکی دعاٶوں سے بابا میرے لٹیرے ہی میرے محافظ نکلے۔۔۔

حافظ صاحب نے بے یقینی سے اسکا چہرہ اپنے ہاتھوں میں لیا۔۔۔۔ کیا کہا تم نے ۔۔۔۔۔

وہ انکے ہاتھ چوم کربولی جی بابا جانی آپکی نمل بے آبرو نہيں لوٹی ۔۔۔۔

وہ مجھے جسطرح باآبرو لے کر گۓ تھے اسی طرح میرے مان سمان کے ساتھ با آبرو واپس لاۓ ھیں۔۔۔۔

بابا وہ لوگ برے تھے لیکن اوباش یا بدنیت نہيں تھے۔۔۔۔۔۔

حافظ صاحب اسی وقت سجدے میں گر گۓ اور رب کے آگے ماتھا ٹیک کر اسکا شکر ادا کیا ۔۔۔۔

اے میرے رب میں نے تجھ سے جو بھی دعا مانگی جیسے مانگی تونے قبول کی کیسے ادا کروں تیرا شکر کیسے۔۔۔۔۔۔

_____________

بختی کی ذمہ داری میں کچن تھا وہ ہر وقت کچن میں مصروف رہتی ۔۔۔۔

خوش بخت ۔۔۔۔

وہ جمال کے بلانے پر پلٹی تو اسکو خود سے اتنا قریب دیکھ کر بری طرح ڈری ۔۔۔۔

میرے لیۓ ایک کپ چائے بنا دو۔۔۔۔

جی آپ جاٸیں میں بنا لاتی ھوں۔۔۔۔۔

مجھے اب تم میرے ہی گھر میں حکم دوگی کچن سے باہر جانے کا۔۔۔۔۔

بختی سہم گٸ ۔۔۔۔

میری کیا اوقات کہ میں آپکوحکم دوں ۔۔۔۔۔

وہ اسکے نہایت قریب ھو کر آنکھوں میں آنکھیں ڈال کر بولا۔۔۔۔۔

یاد رکھنا اس بات کو آٸندہ تمھارے منہ سے یہ نا

سنوں ۔۔۔۔۔۔

جججج جی صاحب جی وہ رو دینے کو تھی ۔۔۔۔۔

جلدی سے لاٶ چاۓ ۔۔۔۔۔

وہ روتے روتے چاۓ بنانے

لگی ۔۔۔۔

ماما جی آپ نے خود سے الگ کر کے مجھے کیسے لوگوں کو سونپ دیا ھے۔۔۔۔۔

جہاں کسی کی گندی نظروں سے بھی میں خود کو بچا نہيں سکتی ۔۔۔۔

ماما جی ایک بابو سے تو آپ نے مجھے بچا لیا لیکن یہاں دوسرا بابو بھی ھے اس سے کون بچاۓ گا مجھے ۔۔۔۔۔۔

اسکے آنسو ٹپ ٹپ ٹپکنے لگے ۔۔۔۔ کیوں الگ کیا آپ نے مجھے خود سے۔۔۔۔

ماما جی میں ظلم برداشت کر لیتی تھی۔۔۔ درد زخم بھوک پیاس سب سہہ لیتی تھی لیکن یہ ھوس کی بھوک نہيں سہہ سکتی ۔۔۔

وہ دل ہی دل میں گوپال کو مخاطب کر کے پھوٹ پھوٹ کر روٸ ۔۔۔۔۔

___________

بابا جانی بختی کہاں ھے کیسی ھے وہ۔۔۔۔۔ اسے بلا لاٸیں نا ۔۔۔۔

بیٹا وہ یہاں نہيں ھے چلی گٸ یہاں سے ۔۔۔۔

نمل کی جان نکل گٸ کیا مطلب آپکا کہاں چلی گٸ ۔۔۔۔۔؟؟؟

گوپال کے والد کا انتقال ھو گیا تھا وہ سندھ گۓ ھیں کب آٸیں گے کچھ پتہ نہيں ۔۔۔۔۔

بختی انکے ساتھ گٸ ھے ؟؟؟ ۔ہاں شاید ۔۔۔۔۔

لیکن بختی مجھے کافی دنوں سے نظر نہيں آٸ ۔۔۔۔ نا میرا پوچھا نا تمھارا۔۔۔۔۔

نمل سن کر بہت بے چین اور پریشان ھو گٸ ۔۔۔۔۔

نمل کی واپسی کی خبر پورے محلے میں پھیل گٸ لوگوں نے انکے گھر آنا شروع کر دیا۔۔۔۔۔

حافظ صاحب سب کے سوالات سن سن کر عاجز آچکے تھے ۔۔۔۔

کیا ھوا آپکی بیٹی کیسے واپس آگٸ ؟؟

بھاگ کر آٸ ھے ان سے؟؟

کیا ھوا آپکی بیٹی کے ساتھ ؟؟

اسکا تو برا حال ھوگا بیچاری اپنی عزت لٹا کر آٸ ھے ۔۔۔ خیر جان بچ گٸ شکر ھے۔۔۔۔

لیکن عزت سے بڑھ کر تو کچھ نہیں۔۔۔۔

اجتماعی زیادتی کا نشانا تو نہيں بنی ۔۔۔۔

پولیس میں رپورٹ کریں ۔۔۔۔

پکڑواٸیں ان ظالموں کو ۔۔۔۔

جنہوں نے نمل کا استحصال کیا ۔۔۔۔

ایسے کتنے سوالات تھے جنکا کوٸ جواب نا تھا انکے پاس ۔۔۔۔۔۔۔

نمل کو اب یہ سب سہنا تھا ۔۔۔۔

وہ جانتی تھی منہ چھپا کر نہيں بیٹھ سکتی ان سب کو جواب دینا ھوگا اسے ۔۔۔

اور ان سب کی جھوٹی تسلیوں کے سکوں سے اپنی گود بھرنی ھوگی۔۔۔۔۔

السلام و علیکم حافظ صاحب ۔۔۔۔

مبارک ھو آپکی بچی آگٸ ۔۔۔ محلے سے شمع اور رقیہ خالا آٸیں ۔۔۔

کہاں ھے وہ بلاٸیں تو ھم بھی دیکھیں کیسی ھے اب وہ ۔۔۔۔

کیوں بہن دیکھنے سے کیا مطلب ھے آپکا ۔۔۔۔

میری بچی کوٸ نماٸش کی چیز تو نہيں کہ سب کو دکھاتا پھروں ۔۔۔۔

ارے آپ تو خوامخواہ غصے میں آگۓ ھم تو بچی کے سر پر ہاتھ رکھنے آۓ تھے کہ کیسے وہ بے چاری زیاتی کا شکار ھوٸ ھے؟؟ کیا حال کیا ھوگا ان ظالموں نے اسکا۔۔۔۔۔

حافظ صاحب کی طبیعت خراب ھو رہی تھی پہلے ہی ۔۔۔

خدا کا واسطہ ھے بہن ھمارے زخموں پر نمک نا چھڑکیں۔۔۔۔

جاٸیں یہاں سے ۔۔۔۔

شمع بڑے اسٹاٸل سے اٹھلا کر بولی ۔۔۔

واہ حافظ صاحب واہ آپ تو ایسے پیش آرھے ھیں جیسے آپکی بیٹی کوٸ ماہان کام کر کے آسکر ایوارڈ جیت کے آٸ ھے ۔۔۔

ھم توآپکی ھمدردی کیلیۓ ۔۔۔۔۔

وہ شمع کی بات کاٹ کر بلند آواز میں بولے چلیں جاٸیں یہاں سے نہيں چاھیۓ ھمیں آپکی ھمدردی ۔۔۔۔۔۔

رقیہ کیوں پیچھے رہتی لپک کر بولی ۔۔۔ اپنی عزت تو مٹی میں مل کر پلید ھو گٸ ھے ھماری تو نا کریں ۔۔۔۔

انکی باتیں سن کر نمل نماز ادھوری چھوڑ کر باہر آٸ ۔۔۔۔

نمل کو دیکھ کر وہ مسکراٸ کیسی ھو نمل بیٹا ھاۓ رنگ دیکھو بچی کا مرجھا کر رہ گٸ ھے ۔۔۔۔

دوسری بولی ۔۔۔ ظاہر ھے عورت کے پاس عزت کے سوا ہوتا ہی کیا ہے جب عزت ہی نہ رہی تو پھر جینے کے قابل ہی نہیں رہتی عورت۔۔۔۔۔

چچچچچچ۔۔۔۔۔ شمع ترس کھا کر بولی کیا کیا ہوا تھا بیٹی تیرے ساتھ کیا کیا انہوں نے کتنے لوگ تھے کہاں لے گۓ اور پھر واپس کیسے چھوڑ

گئے۔۔۔۔۔۔۔

نمل نے کرسی پر گرتے باپ کیطرف حاموشی سے دیکھا

نسیمہ خالا بھی آگٸ ۔۔۔۔

کیا بتائے اپنی بربادی کا قصہ وہ بچی اپنی منہ سے۔۔۔

کیسے کیسے انہوں نے استعمال کیا اور پھر چھوڑ دیا ناجانے کتنے مردوں کے ہاتھوں۔۔۔۔۔

نمل کی برداشت جواب دے گٸ۔۔۔۔

نمل چلا کر بولی بس کر دیں خدا کا واسطہ ہے اپنے لفظوں کے تیر چلانا بند کردیں شرم نہیں آتی آپ لوگوں کو کوئی برباد ہوا یا آباد آپ کو اس سے فرق نہيں پڑتا بس آپکو چسکے لگانے کیلیۓ لوگوں کی رام کہانیاں سننی ھوتی ھیں آپ کی اپنی بھی بیٹیاں ہیں کل کو آگے پیچھے ہوئیں تو ان سے پوچھنا کہ کیا کیا ہوا ان کے ساتھ کس نے ان کا آنچل چھینا کتنے ہاتھوں نے ان کے بدن کو چھوا اور کس کس نے انکو نوچا۔۔۔۔ مجھے تو اللہ نے اپنی امان میں رکھا اللہ نا کرے کل کو آپ کی بہن بیٹیوں پر یہ وقت آیا تو ان سے ضرور پوچھنا یہ سب شاید وہ اپنی عزت کے چیتھڑے اڑانے والوں کو گنتی کر سکیں۔۔۔۔۔۔

شمع بلند آواز میں محلے کو سنا کر بولی خبردار جو ھماری بہن بیٹیوں کو اپنی بدختی میں شامل کیا یا انکا نام بھی لیا۔۔۔۔۔

ہم تو آئے تھے تم پر ترس کھاکر۔۔۔۔۔

کیوں آۓ ھو آپ لوگ میرے ساتھ ہمدردی جتانے مجھ پر ترس کھانے میں نے آپ کو دعوت نامے بھیجے تھے اپنے گھر آنے کے لئے لیے ۔۔۔۔۔

اپنے ھمدردیاں اور چاپلوسیاں اپنے آنیوالے وقت کیلیۓ سنبھال کر رکھیں ۔۔۔۔۔۔

تم تواپنی عزت لٹا کر بھی آسمان سے باتیں کر رہی ھو لگتا ھے کسی عاشق کے ہاتھوں اپنی من مرضی پوری کر کے آٸ ھو۔۔۔۔۔

نمل زخمی شیرنی کیطرح دھاڑی بکواس بند کریں اپنی اور نکلیں میرے گھر سے اس سے پہلے کہ میں سارے لحاظ بھول جاٶں۔۔۔۔

اور خبردار جو دوبارہ میرے گھر کیطرف دیکھا بھی۔۔۔۔۔

وہ کانوں کو ہاتھ لگا کر جانے لگیں۔۔۔۔

توبہ توبہ اتنی بد لحاظ ھے یہ لڑکی اسی لیۓ اسکے ساتھ ایسا ھوا۔۔۔۔

گز بھر لمبی زبان ھے ۔۔۔۔

جاتے جاتے بھی وہ اس پر جملے کس کر گٸیں۔۔۔۔۔

نمل دروازہ بند کر کے بولی شکر ھے گز بھر لمبی زبان ھے لیکن آپکی طرح زہریلی زبان نہيں جو دوسروں کی زندگی میں زہر گھولے۔۔۔۔

حافظ صاحب نمل کا یہ روپ اور پاگل پن دیکھ کر مذید پریشان ھوگۓ۔۔۔۔۔

_________________

جازب صوفے پر سر ٹکاۓ سگریٹ پر سگریٹ پیتا رہا۔۔۔۔

اسد نے اندر آکر اسکے ہاتھ سے سگریٹ کا پاکٹ چھینا۔۔۔۔

بس کر یار دیوداس نا بن تیری پارو نہيں تھی وہ۔۔۔۔۔

جازب افسردگی سے بولا

یار میں نے اسکے ساتھ اچھا نہيں کیا۔۔۔۔

ناجانے وہ کن حالات سے گزر رہی ھوگی۔۔۔۔ کیسے کیسے لوگ اس پر انگلیاں اٹھا رہے

ھونگے۔۔۔

یہ سب پہلےسوچتا اب کوٸ فاٸدہ نہيں جو ھونا تھا سو ھو گیا۔۔۔

اور ویسے بھی یار وہ کوٸ ڈرپوک سی لڑکی نہيں اپنی دفاع کرنا اچھے سے جانتی ھے۔۔۔۔۔

مضبوط ارادوں کی بہادر لڑکی ھے ڈٹ کر مقابلہ کر لے گی لوگوں کا۔۔۔۔۔

جازب ناک سے سگریٹ کا دھواں نکال کر بولا۔۔۔

یار جتنی بھی بہادر ھو لیکن ھے تو عورت ذات جس کی عزت کانچ کی طرح نازک ھوتی ھے ہلکی سی ٹھیس سے ٹوٹ کر بکھر جاتی ھے۔۔۔۔۔

وقت ہر زخم کو بھر دیتا ھے تو زیادہ غمگین نا ھو یار چل اٹھ شاہ جی کیطرف چلتے ھیں۔۔۔۔۔

یار مجھے اسکا آخری بار کا دیکھنا نہيں بھولتا ۔۔۔

اسکی آنکھوں میں جو درد تھا وہ مجھے میرے دل میں محسوس ھوتا ھے اب۔۔۔۔۔۔۔

کہیں مجھے اس بے گناہ کی بددعا نا لگ جاۓ۔۔۔۔۔

اسد نے اسے بہلایا

چھوڑ نا یار تجھے اپنی غلطی کا احساس ھو گیا اس سے بڑی کیا بات ھوگی۔۔۔۔۔

چل اٹھ وہ اسے زبردستی لے گیا۔۔۔۔۔

شاہ جی جازب کو دیکھ کر بگل گیر ھوا۔۔۔۔

شکر ھے تو بھی اپنے کھڈلے سے باہر آیا ورنہ مجھے لگا کہ تو بیوہ ھونے کی عدت پوری کر کے نکلے گا۔۔۔۔

سب ساتھی موجود تھے وہاں ھنس پڑے سب ۔۔۔۔

شاہ جی اسے اداس دیکھ کر گنگنایا۔۔۔۔

یارو سب دعا کرو۔۔۔۔

مل کے فریاد کرو ۔۔۔۔

دل جو چرا گیا ھے ۔۔۔

اسے آباد کرو۔۔۔

تجھے دیکھا سانسیں مجھے آتی اب کم۔۔۔

درپنِ روپ سے نکلے نا دم ۔۔۔

دل گیا میں بھی گیا ۔۔۔

لے گیا صنم ۔۔۔۔۔

ہر اک لمحہ خیال اسکا ۔۔۔۔

دل نے اٹھایا ھے سوال اسکا۔۔۔۔۔

آگے شاہ جی نے بول بدلے

دل گیا یہ۔۔۔۔۔ بھی گیا۔۔۔۔۔

شاہ جی کا نداز ایسا تھا کہ

جازب کے چہرے پر مسکراہٹ پھیل گٸ ۔۔۔۔

_____________

ھفتہ پورا گزر گیا تھا ابھی تک گھر گھر میں نمل کی باتیں ھو رہی تھیں۔۔۔

لیکن کوٸ نمل کے گھر نا گیا سب ملکر انھیں یہاں سے نکالنے کے پلان بنا رھے تھے کہ اسکی وجہ سے پورا محلہ بدنام ھو رھا ھے ۔۔۔محلے میں سب کے گھر بچیاں ھیں ۔۔۔ نمل کا برا اثر انکی بچیوں پر بھی پڑ سکتا تھا ۔۔۔۔

نمل صحن میں کھلے آسمان تلے لیٹی جازب کو یاد کرنے لگی۔۔

دیکھو آکر تمھارے ہاتھوں کیا حال ھو رہاھے میرا ۔۔۔

تم نے واقعی مجھے جینے کے قابل نہیں چھوڑا ۔۔۔

ابھی تو یہ محلے والے تھے۔۔۔

ولی آیا تو ناجانے مجھے کیا کچھ مذید برداشت کرنا

ھوگا۔۔۔۔

کیونکہ میں اسکی ھونے والی منکوحہ تھی ۔۔۔

تم نے تو مجھے کسی قابل نہيں چھوڑا۔۔۔

اسکے آنسو کن پٹیوں سے بہتے ھوۓ تکیے میں جذب ھونے لگے۔۔۔۔

ولی ماں کے ساتھ اسلام آباد گیا ھوا تھا اسے خبر مل چکی تھی کہ نمل آچکی ھے ۔۔۔۔

اس نے کراچی آکر ملاقات کا کہہ دیاتھا۔۔۔۔۔۔

اور کل اس نے کراچی آنا تھا ۔۔۔

نمل سوچ سوچ کر ہلکان ھو رہی تھی کہ اب وہ کن الفاظ میں اپنی بھڑاس نکالے گا۔۔۔۔

وہ جانتی تھی کہ وہ اسے اب قبول نہيں کریگا ۔۔۔۔

لیکن دو سال وہ اسکے نام پر بیٹھی تھی ۔۔۔

نمل ولی کو بہت پسند تھی ۔۔۔۔۔وہ دونوں آپس میں اتنے کلوز نہيں تھے نا روز مرہ کے رابطے تھے بس کبھی کبھار وہ گھر آتا تو ملاقات اور بات چیت ھو جاتی تھی۔۔۔۔

_____________

بختی جمال کی حرکتوں سے بہت پریشان تھی اسے جب موقعہ ملتا وہ اسکے قریب آنے کی کوشش کرتا ۔۔۔۔۔

دوسری طرف شہیر تھا جسے وہ پسند آگٸ تھی وہ بھی بہانے بہانے سے اسکے آس پاس منڈلاتا رہتا۔۔۔۔

مسز جمال نے نوٹ کر لی یہ بات اور بنا اسے کچھ کہے اپنی دوست زارا کے پاس لاھور بھجوا دیا۔۔۔۔

بختی نے جانے سے پہلے ایک بار گوپال سے ملنے کا کہا ۔۔۔۔

مسز جمال نے اسے بتایا کہ وہ یہاں سے جا چکے ھیں۔۔۔۔۔

بختی لاھور میں اب زارا کے گھر موجود تھی ۔۔۔۔

بختی سہمی سہمی ڈری ایک ہی کمرے میں بیٹھی رہی ۔۔۔۔

ماما جی کیا کیا آپ نے میرے ساتھ۔۔۔۔۔

اگر خود سے جدا کر کے اسطرح راستے میں پھینک دینا تھا تو مجھے پالا کیوں تھا۔۔۔۔

اب میں کیسے بتاٶں آپکو ماما جی یہاں تو ہر بندہ بابو ھے۔۔۔۔

میں آپکے ہاتھوں میں محفوظ تھی نا آپ نے تو مجھے راستے کا پتھر بنا دیا ۔۔۔۔

وہ بہت روٸ رو رو کر ہلکان ھوگٸ ۔۔۔۔۔

وہ اپنی قسمت سے گلہ کرنے کے بھی لاٸق نا رہی اب ۔۔۔

کسی بے زبان جانور کیطرح اِدھر سے اُدھر اسکے کھونٹے اسکے نام کیطرح بدلتے رھے ۔۔۔۔

_______________

دوپہرکا وقت تھا نمل سو رہی تھی ۔۔۔

کسی عورت کی آواز سے اسکی آنکھ کھلی ۔۔۔۔

باہر آکر دیکھا تو ولی کی ماں تھی ۔۔۔

انکو سلام کر کے وہ بیٹھی ۔۔۔

کیسی ھو اب۔۔

ٹھیک ھوں آپ کیسی ھیں۔۔۔۔

ٹھیک نہيں ھوں بس پریشان ھوں بہت۔۔۔۔

خیریت کیا ھوا؟؟

ھونا کیا ھے بیٹا۔۔۔ جو

تمھارے ساتھ ھوا بہت افسوس ھوا ھمیں۔۔۔۔

لیکن ھمارے ساتھ بھی بہت برا ھوا ھم کسی کو منہ دکھانے کے قابل نہيں رھے لوگ طرح طرح کی باتیں بنا رھے ھیں ۔۔۔ ھوسپٹل سے ولی کو جاب بھی چھوڑنی پڑ گٸ وہاں تک بات پھیل گٸ ساری تمھارے گڈنیپ ھونے کی ۔۔۔

اللہ گواہ ھے ھم نے کسی سے ذکر تک نہيں کیا ۔۔۔۔۔

نمل خاموشی سے سنتی رہی۔۔۔

میں یہاں یہ نہيں پوچھنے آٸ کہ تمھارے ساتھ کیا ھوا اور کیوں ھوا۔۔۔۔

پھر کس کام سےآٸ ھیں آپ نمل نے انکے شرمندہ ھوتے چہرے کیطرف دیکھا۔۔۔۔

میرا بیٹا تمھارے پیچھے پاگل ھے لیکن میں پاگل نہيں ۔۔۔۔

پہلے تو میں اسکی ضد مان کر یہاں آگٸ تھی تم سے رشتہ جوڑنے۔۔۔۔

لیکن اب۔۔۔۔۔۔

اسکا جملہ آگے نمل نے پورا

کیا ۔۔۔

لیکن اب آپ رشتہ توڑنے آٸ ھیں ۔۔۔۔

وہ سر جھکا کر بولی ۔۔۔

تم سمجھ دار ھو نمل میں بہو کے نام پر اتنی بڑی بدنامی اپنے اکلوتے بیٹے کے سر نہيں لے سکتی ۔۔۔۔

ھمارا اک نام اک مقام ھے سرکل میں ۔۔۔۔۔

نمل ان سے کچھ نا بولی۔۔۔

چپ چاپ اٹھی اور سارا زیور اور نکاح کا جوڑا لا کر انکی گود میں رکھ دیا۔۔۔۔۔

میں سمجھ گٸ آپکی بات۔۔۔

آپ بے فکر رھیں آپکا نام نہيں ھوگا بدنام ۔۔۔۔

وہ زیور اٹھا کر ساٸیڈ پر رکھ کر اٹھیں ۔۔۔ یہ رکھ لو تم ھمیں انکی ضرورت نہيں ۔۔۔۔

میں نہيں رکھ سکتی انٹی یہ اب۔۔۔۔ بہت بوجھ ھے انکا میں نہیں اٹھا سکتی اور نا میں انکے قابل ھوں ۔۔۔

بہت قیمتی ھیں یہ زیورات آپکی عزت کیطرح ۔۔۔ مجھ جیسی بے عزت اور بدنام لڑکی کے کسی کام کے نہيں یہ۔۔۔

نمل نے آنسو حلق میں اتارے ۔۔۔

وہ اسے دیکھ کر بولی مجبور ھوں میں بہت معاف کر دینا مجھے ۔۔۔۔

آپ معافی کیوں مانگ رہی ھیں آپ گنہگار تو نہيں میری طرح۔۔۔۔۔۔

وہ بمشکل بولیں ۔۔۔ اللہ تمھارے نصیب اچھے کرے ۔۔۔

دعا میں یاد رکھنا ۔۔۔۔

جی ضرور میری یہی دعا ھے کہ آپ کو دوبارہ کبھی مجبور نا ھونا پڑے۔۔۔۔

حافظ صاحب خاموشی سے بیٹی کا صبر اور حوصلہ دیکھتے رھے ۔۔۔۔

____________

ولی کی ماں کو گۓ ابھی دو دن ہی گزرے تھے کہ ولی آگیا۔۔۔۔

ولی کو دیکھ کر حافظ صاحب خوشی سے نمل کے پاس آۓ بیٹا ولی آیا ھے تم سے ملنے ۔۔۔۔

آپ جاٸیں بابا میں آتی ھوں۔۔۔۔

وہ دوپٹہ سر پر اوڑھے اٹھی۔۔۔ چل نمل ایک اور عدالت لگنے والی ھے ۔۔۔۔

ڈراٸنگ روم میں آکر اس نے ولی کو سلام کیا

حافظ صاحب ولی کے کہنے پر ان دونوں کو اکیلا چھوڑ کر باہر چلے گۓ ۔۔۔

ولی نے سلام کا جواب دیا۔

سرمٸ کلر کے لباس میں وہ بے انتہا خوبصورت لگ رہی

تھی ۔۔۔۔

کیسی ھو ۔۔۔

وہ اسے دیکھ کر بولی کیسی ھو سکتی ھوں ۔۔۔۔

امی آٸ تھیں یہاں مجھے انکل نے بتایا۔۔۔۔

نمل خاموش رہی ۔۔۔ ولی بھی چپ تھا۔۔۔

آپکا آنا کیسے ھوا؟ اس نے ولی اور اپنے بیچ کی خاموشی توڑی۔۔۔۔۔

امی نے یقیناً رشتہ ختم کرنے کی بات کی ھوگی ۔۔۔

لیکن میں نہيں توڑنا چاھتا تم سے رشتہ ۔۔۔۔۔

میں تم سے نکاح کرنے کو تیار ھوں ۔۔۔۔

نمل نی حیرت سے اسکی طرف دیکھا۔۔۔۔

لیکن تمھیں مجھے سچ سچ بتانا ھوگا سب ۔۔۔۔

کونسا سچ ؟؟؟

یہی کہ تم ۔۔۔۔ آگے وہ خاموش ھو گیا ۔۔۔

بات پوری کریں اپنی کونسی سچاٸ جاننا چاھتے ھیں آپ ۔۔۔۔

دیکھو میری بات کا برا مت منانا بس اتنا سچ بتا دو کہ تمھارے ساتھ وہ کس حد تک بڑھے اورکتنے دن تمھیں اپنے ساتھ رکھا۔۔۔۔۔

نمل سپاٹ لہجے میں بولی یہ سوال نہيں پوچھیں گے کہ کتنے مردوں نے چھوا اور کہاں کہاں اور کیسے کیسے چھوا۔۔۔

ولی نے حیرانگی سے اسکی طرف دیکھا ۔۔۔

سچ سننے کا حوصلہ ھے آپ میں۔۔۔

ہاں ھے اسلیۓ جاننا چاھتا ھوں سب۔۔۔۔

تو سنو ولی صاحب پھر۔۔۔ مجھے جو اٹھا کر لے گیا تھا اس نے میرا انگ انگ چھوا ھے سر سے پاٶں تک ۔۔۔۔

لیکن کسی اور کو دیکھنے تک نہيں دیا۔۔۔ بلکہ میری طرف ہاتھ بڑھانے والوں کو قتل بھی کر دیا میری آنکھوں کے سامنے ۔۔۔۔۔

اور اپنے ساتھ مجھے پانچ دن رکھا ایک پل بھی مجھے نظروں سے اوجھل نہيں ھونے دیا۔۔۔

ولی صاحب اس نے مجھے آپ جیسے عزت دار شخص کے قابل نہيں چھوڑا۔۔۔۔۔

ولی کا سر جھک گیا۔۔۔۔

میرا سچ آپ سن سکتے ھیں لیکن قبول نہيں کر سکتے۔۔۔۔۔

اسکا مطلب ھے اس نے تمھارا استحصال ایک بار نہيں بار بار کیا۔۔۔

نمل کھڑی ھوٸ ہاں شاید ۔۔۔۔۔

اب بولیں قبول ھوں میں آپکو ۔۔۔۔

ولی خاموشی سے تکنے لگا اسے۔۔۔

بولیں اب سچ سن کر چپ کیوں ھو گۓ۔۔۔۔۔

نمل اتنا سچ تو نا بتاتی کہ میں۔۔۔۔۔

ابھی بھی پورا سچ نہيں بتایا میں نے آپکو ۔۔۔۔

وہ کرخت لہجے میں بولی یہ تو بس ٹریلر تھا جس سے آپ شرما گۓ پکچر ابھی باقی

ھے۔۔۔

نمل کی بات سن کر اسکے ماتھے پر پسینہ آگیا۔۔۔۔

اتنا شرمندہ نا کرو بس میری تسلی کی خاطر ایک بار میڈیکل چیک اپ کروا لو۔۔۔۔

نمل اسکے قریب آکر کھڑی ھوٸ۔۔۔۔

کس بات کی تسلی کس بات کا چیک اپ ۔۔۔

تم سمجھدار ھو سمجھ سکتی ھو کیا کہنا چاہ رہا ھوں میں ۔۔۔۔۔

نمل کا چہرہ غصے سے لال ھوگیا ۔۔۔۔

یعنی آپ اس بات کی تسلی کرنا چاھتے ھیں کہ کہیں میری کوکھ میں کسی کا گناہ تو نہيں پل رھا ۔۔۔۔۔

رپورٹ نگیٹو ھوٸ تو نکاح کرنے کا سوچیں گے ۔۔۔ اور اگر پوزیٹیو ھوٸ تو معذرت کر لیں گے۔۔۔۔۔۔

نمل کی اتنی سٹریٹ فارورڈ بات کرنے سے وہ پسینے پسینے ھوگیا۔۔۔۔۔

معذرت تو میں چاہتی ھوں آپ سے کہ آپ میرے قابل نہيں ھیں۔۔۔۔۔۔

نکاح اس لڑکی سے کرنا جو آپکے ہاتھ میں اپنے با حیا ھونے کا سرٹیفیکیٹ دے سکے۔۔۔ میں تو آپکی تسلی کیلیۓ آپکو اپنی بے حیاٸ کا بھی ثبوت نہيں دے سکتی ۔۔۔۔۔۔

تم مجھے غلط سمجھ رہی ھو۔۔۔۔

مسٹر ولی غلط انسان دوسروں کو بھی غلط ہی سمجھ سکتا ھے نا۔۔۔۔۔ ۔۔۔۔

ٹھیک ھے پھر ھم اس رشتے کو ختم ہی سمجھیں۔۔۔

جی بلکل ویسے بھی میں اس رشتے کو اب رشتہ سمجھتی ہی نہيں حتی کے انسانيت کا بھی نہيں۔۔۔۔۔۔

ولی نے اسکی باتیں سن کر وہاں سے جانے میں ہی عافیت سمجھی۔۔۔۔۔

صحن سے گزرتے ھوۓ حافظ صاحب نے اسے روکا ۔۔۔

کہاں جا رھے ھو بیٹا۔۔۔

ولی رکا۔۔

جانے دیں انکو بابا جانی کچھ لوگ زندگی میں آتے ہی جانے کیلیۓ ھیں ۔۔۔

حافظ صاحب فکر مندی سے بولے کیا ھوا کیا کہا ھے تم نے ولی سے ۔۔۔۔۔

کچھ نہيں کہا بابا میں نے بس انکو کچھ سرٹیفیکیٹ درکار تھے مجھ سے جو میرے پاس نہيں ملے اس لیۓ جا رھے ھیں ۔۔۔۔۔

ایسے کیسے جا سکتے ھو تم ولی رکو تو ۔۔۔۔ حافظ صاحب اسکی طرف بڑھے۔۔۔۔۔

بابا جانی مت روکیں انکو ۔۔۔ ھم انکے قابل نہيں ۔۔۔۔

یہ اس دیس کے مکیں ھیں جہاں لوگ صداقت کے امین ھوکر بھی صداقت کے اظہار سے ڈرتے ھیں۔۔۔ انکے یہاں رسم و رواج کے مطابق شادی سے پہلے بے گناہ کو اپنے گناہ کا اور گنہگار کو اپنی بے گناہی کا ثبوت دینا پڑتا ھے۔۔۔۔

ولی نے پلٹ کر اسے دیکھا۔۔۔۔

وہ آنکھوں میں آنسوٶں کا ٹھاٹھیں مارتا سمندر روکے کھڑی تھی ۔۔۔۔۔

ولی سے دیکھا ناگیا۔۔۔۔

اور وہ بھی چلا گیا۔۔۔۔۔

____________

زارا کا اپنا پارلر تھا وہ اپنی چھ سالہ بیٹی کے ساتھ اکیلی رہتی تھی اب بختی بھی انکے ساتھ رہنے لگی۔۔۔۔۔

یہاں کسی مرد کو نا پاکر بختی کچھ حد تک پرسکون تھی۔۔۔۔

زارا اسے پارلر بھی ساتھ لے جانے لگی ۔۔۔

زارا کا پارلر بہت بڑی سوسائٹی میں تھا۔۔۔۔

زارا کے پارلر آکر اسے دنیا ہی اور لگی ۔۔۔۔

زارا کا گھر مسز جمال کیطرح بہت بڑا نہيں تھا لیکن خوبصورت بہت تھا۔۔۔۔

بختی اسکا گھر بھی سنبھالتی اور زارا کی بیٹی بھی ۔۔۔۔

بختی ۔۔۔۔۔ زارا نے بختی کو پکارا

جی آپی۔۔۔۔

میرے ساتھ شادی پر جانا ھے تم نے جلدی سے یہ ڈریس پہنو اور تیار ھو جاٶ۔۔۔۔

کچھ ہی دیر میں سرخ ہلکے سے کام والی فراق میں وہ زارا کے سامنے تھی ۔۔۔۔

پل بھر زارا اسکے کندنی حسن کو دیکھتی رہ گٸ ۔۔۔

پھر ہلکا پلکا اسے میک اپ کرکے ساتھ لے گٸ۔۔۔۔۔

شادی سے جلدی واپس لوٹی وہ کیونکہ اسے پارلر میں کچھ کام تھا وہ بختی کو گھر کے پاس اتار کر خود چلی گٸ۔۔۔۔

_________________

موسم کافی خراب تھا ۔۔۔۔

شام سے مسلسل بارش ھو رہی تھی ۔۔۔۔

نرگس بہت فکر مند تھی عضد کیلیۓ جو اب تک گھر نہيں پہنچا تھا۔۔۔۔

فون بھی اسکا بند جا رہا تھا۔۔۔۔

بارش کچھ تھمی تو نرگس لان میں آکر عضد کے انتظار میں ٹہلنے لگی۔۔۔۔ رات کے بارہ بج رھے تھے۔۔۔۔

باہر جیسے ہی ہارن بجا نرگس نے بھاگتے ھوۓ دروازہ کھولا ۔۔۔

عضد گاڑی اندر لاکر باہر نکلا تو نرگس اسے دیکھ کر مذید پریشان ھو گٸ۔۔۔۔۔

شرٹ پھٹی ھوٸ بال بکھرے ھوۓ اور پینٹ پر خون دیکھ کر وہ حیرانی سے بولی۔۔۔۔

عضد میرے بچے کیا ھوا۔۔۔ یہ کیا حالت بنا رکھی ھے۔۔۔

اور یہ خون کیسا تمھاری پینٹ پر۔۔۔۔۔

امی سانس تو لے لیں ایک ہی سانس میں اتنے سوال پوچھ لیۓ۔۔۔۔

وہ فکر مند ھوتے بولی ۔۔۔

مجھے بتاٶ تو سہی ھوا کیا ھے۔۔۔۔

وہ اندر جاتے ھوۓ بولا۔۔۔

کچھ نہيں لڑاٸ ھو گٸ کسی سے۔۔۔۔

کس سے لڑے ھو تم اور کہاں کہاں لگی چوٹ وہ اسے دیکھنے لگیں۔۔۔

ہاتھ پر ناخن اور چاک کے نشان بھی تھے۔۔۔۔

اس سے پہلے کہ وہ کچھ پوچھتیں ۔۔۔

باہر کتے کے بھوکنے کی آواز کے ساتھ ساتھ کسی لڑکی کے چیخنے کی آواز بھی آٸ ۔۔۔۔

وہ دونوں جلدی سے باہر گۓ تو کتا گاڑی پر لپکا بھونک رہا تھا عضد نے اسے پیچھے ہٹایا اور جیسے ہی گاڑی کا دروازہ کھولا تو چادر میں لپٹی ایک لڑکی اسکے قدموں میں آگری ۔۔۔۔۔۔

جاری ھے ۔۔۔۔۔۔۔۔

Episode 8

https://pakeeza-ishq.blogspot.com/2021/06/bd-bhakat-episode-8.html