سچی کہانی: بدبختقسط نمبر : 10
میں آپکا اپنا بیٹا ھوتا آپ تب بھی ایسا کرتیں۔۔۔۔۔۔
عضد کی بات نرگس کے دل پر جا لگی۔۔۔۔
اگر کوٸ میرا بیٹا ھوتا تو میں اسکے حق میں یہ فیصلہ ہرگز نا کرتی۔۔۔۔۔۔۔
عضد کی دھواں دھار ہوتی آنکھوں سے آنسو باہر ٹپک آئے اور اس نے دروازے کی طرف قدم بڑھاۓ۔۔۔۔
نرگس نے اسے پیچھے سے آواز
لگائی اگر تم نے رتابہ سے نکاح نہ کیا تو تم میرا مرا ہوا منہ دیکھو گے۔۔۔۔۔۔
وہ فورا پلٹ کر دیکھنے لگا ماں کو۔۔۔۔
آپ چاہتی ھیں میں اسکے ساتھ نکاح کر کے حق مہر میں اپنی جان لکھ دوں۔۔۔۔۔
نرگس بولی ہاں یہی چاہتی ھوں میں۔۔۔۔۔
اس نے سر جھکا لیا ٹھیک ھے آپکی مرضی ھے۔۔۔۔
نرگس کی خوشی کا ٹھکانہ ہی نا رہا وہ جیسے ہی اسے گلے لگانے آگ بڑھی وہ کمرے سے باہر نکل گیا۔۔۔۔۔۔
__________________
نمل بہت اداس تھی وہ حافظ صاحب کو لے کر بختی کا پوچھنے اپنے پرانے محلے گئی۔۔۔۔
حافظ صاحب اپنے دوست کی شاپ پر اتر گۓ۔۔۔۔
جیسے ہی نمل کی ٹیکسی اپنی گلی کے کونے پر رکی اسے جنت اماں نے دیکھ لیا جو ان کی گلی میں رہتی تھی۔۔۔۔۔
وہ زبردستی نمل کو اپنے گھر لے گٸی کیونکہ اسے نمل بہت اچھی لگتی تھی۔۔۔۔
بڑا شکوہ کیا جنت اماں نے کہ گھر چھوڑ کر چلے گۓ اور بتایا بھی نہيں۔۔۔۔۔
اماں جی آپ یہاں نہیں تھیں میں کیسے مل کر جاتی آپ کو۔۔۔۔۔
اماں بولی ہاں مجھے پتہ چلا بعد میں کہ تمھیں یہاں سے جانے پر مجبور کیا گیا۔۔۔۔
اور جن لوگوں نے کیا آج انکا حال بھی نا قابل دید ھے۔۔۔۔۔
نمل پریشانی سے بولی خیریت اماں کیا ھوا۔۔۔۔۔
عظمت کی چھوٹی بیٹی حمیرا کے ساتھ بہت برا ہوا گھر آکے بیٹھ گٸ ھے وہ۔۔۔۔
وہ بیمار تھی اس کا بچہ ہونے والا تھا اس کی چھوٹی بہن سویرا تھی اسکے پاس۔۔۔۔
سننے میں آیا ہے اس کے بہنوٸ نے سویرا کی عزت پر ہاتھ ڈالا ہے ۔۔۔
تو نہيں جانتی بیٹا قیامت کا منظر تھا جب حمیرا چند دن کا بچہ گود میں لیۓ طلاق لے کر آٸ۔۔۔۔
اور دسری طرف سویرا کے پیٹ میں بہنوٸ کا بچہ تھا کل ہی آٸ ھے ھسپتال سے۔۔۔۔۔
جنت اماں کی بات سن کر نمل کے رونگٹے کھڑے ہو گئے۔۔۔
اور عظمت چاچا کی آواز اس کے کانوں میں گونجی۔۔۔
جو دروازے کے باہر گلی میں اس نے نمل کے خلاف بولے تھے۔۔۔۔۔
حافظ صاحب یہ شریفوں کا محلّہ ہے یہاں اس طرح کا واقعہ پہلے کبھی نہیں ہوا ہماری بچیوں پر اس کا برا اثر پڑ رہا ہے ہے ۔۔۔۔
نمل کی آنکھوں سے آنسو جاری ھو گۓ۔۔۔۔
اس نے اپنا چہرہ صاف کر کے جنت اماں سے بختی کے بارے میں پوچھا۔۔۔۔
انکا تو کچھ پتہ نہيں بیٹا جب سے سندھ گۓ ھیں واپس نہيں آۓ۔۔۔۔۔
نمل مایوس ھو گٸ ۔۔۔
پھر جنت اماں کو اللہ حافظ کہہ کر عظمت چاچاکے گھر گٸ۔۔۔۔۔
نمل دستک دے کر اندر داخل ھوٸ تو عظمت چاچا اور اس کی بیوی دونوں صحن میں چارپائی پر بیٹھے ہوئے تھے۔۔۔۔
نمل نے انکو سلام کیا وہ دونوں حیرت سے کھڑے ھو گۓ۔۔۔۔
معاف کرناچاچا میں شریفوں کے محلے میں کچھ دیر کے لئے لیے واپس آئی ہوں۔۔۔
اس کے بات سن کر عظمت کا سر جھک گیا
نمل انکے جھکے سر کو دیکھ کر بولی ۔۔۔۔
چاچا میں آپ کو یہاں شرمندہ کرنے نہیں آئی بلکہ احساس دلانے آٸ ھوں۔۔۔۔
مجھے پتا چلا ہے حمیرا اور سویرا کا بہت افسوس ہوا۔۔۔۔
کیا
ہوا ان کے ساتھ۔۔۔
انٹی آپ نے پوچھا نہيں اپنی بیٹی سے۔۔۔۔
زبردستی ھوا یہ سب یا اس میں آپکی بیٹی کی مرضی شامل تھی۔۔۔۔
خیر یہ تو اللہ ہی بہتر جانتا ہے۔۔۔۔
انٹی مجھے تو انجان لٹیرا بندہ اٹھا لے گیا تھا جو بعد میں میرا ہی محافظ بھی بنا۔۔۔۔
لیکن آپ کے ساتھ کیا ہوا؟
میں تو زبردستی لے جاٸ گٸ۔۔۔۔
لیکن آپ نے تو اپنی بیٹی کو خود اپنی مرضی سے بھیجا تھا نا۔۔۔۔۔
نتیجہ کیا نکلا ایک کے بجاۓ دونوں گھر آگٸیں واپس۔۔۔۔
ایک گھر بار لٹا کر اور دوسری عزت۔۔۔۔۔۔
انٹی آپ نے جو سوال مجھ سے پوچھے تھے اب اپنی بیٹی سے نہيں پوچھے کیا کیا کیسے کیسے ھوا اسکے ساتھ؟؟
شمع رو پڑی معاف کر دو بیٹا ھمیں ۔۔۔۔۔۔
انٹی میں تو صرف بدنام ھوٸ آپ تو برباد بھی ھو گٸیں۔۔۔۔۔۔
سویرا کا شاید کوٸ قصور نا ھو اس میں لیکن بے قصور حمیرا بھی تھی جسکا گھر اجڑ گیا۔۔۔ جسکا بچہ باپ کے پیار سے محروم ھو گیا۔۔۔۔
بس کر دو بس۔۔۔۔۔۔ شمع نے اسکے آگے ہاتھ جوڑے۔۔۔۔۔
انٹی آج یہ ہاتھ میرے آگے جڑنے سے پہلے مجھ پر انگلی کی صورت اٹھ بھی چکے ھیں۔۔۔۔۔۔
کسی کا برا حال دیکھ کر آپ لوگ اسوقت سوچتے کیوں نہيں کہ یہ وقت کل آپ پربھی آ سکتا ھے۔۔۔۔۔
عظمت رو کر بولا۔۔۔۔
اب اور نہيں سن سکتا میں۔۔۔۔۔
نمل بھی رو پڑی۔۔۔۔
چاچا کل میرے بابا بھی ایسے ہی بے بس اور مجبور تھے۔۔۔۔۔
لیکن آپ سب کو ذرا بھی رحم نہيں آیا۔۔۔۔۔
چاچا کل ھم اس محلے سے نکالے گۓ تھے اب شاید یہ دستک آپ کے دروازے پر ھو جو کل آپ نے ھمارے دروازے پر دی تھی۔۔۔۔۔
نمل پھر رکی نہيں اپنے آنسو پونچھتی نکل آٸ۔۔۔۔
اسکے جاتے ہی شمع بولی۔۔۔
ٹھیک ہی کہہ کر گٸ ھے وہ۔۔۔
کل کو میں نے ہی مجبور کیا تھا آپکو کہ چار بندے جمع کرو اور ان سے محلہ چھوڑنے کی بات کرو۔۔۔۔
آج میری ہی طرح کوٸ دوسری عورت سوچ رہی ھوگی۔۔۔ لیکن دستک کیلیۓ اب ھمارا دروازہ ھوگا۔۔۔۔۔
نمل کی آواز انکے پورے گھر میں گونجی۔۔۔
چاچامیں تو صرف بدنام ھوٸ آپ تو برباد ھو گۓ۔۔۔۔
میرے لٹیرے ہی میرے محافظ نکلے۔۔۔
اور آپ کی عزت کے رکھوالے ہی لٹیرے بن گۓ۔۔۔۔۔۔
___________________
عصر کی اذان ھو رہی تھی۔۔۔
گوپال نے گانے سنتی بندیا کو ٹوکا ۔۔۔
بیٹی اذان ھو رہی ھے کچھ احترام سیکھ لو کسی مذہب کا۔۔۔۔۔
دیوی اسکی بات سنکر باہر آٸ۔۔۔۔۔
تمھیں کب سے اذان کی فکر ھونے لگی۔۔۔۔
مجھے لگتا ھے بد بخت اپنا بھوت تیرے سر چڑھا گٸ ھے۔۔۔۔۔۔۔۔
بات بختی کے بھوت چڑھانے کی نہيں مسلمان ھیں آس پاس محلے داری کا لحاظ بھی کچھ چیز ھوتی ھے۔۔۔۔
دیوی ہاتھ جھاڑ کر بولی۔۔۔
میں تو پیداٸشی بد لحاظ ھوں ۔۔۔ تمھارے اندر جو لحاظ ھے نا وہ کافی ھے ھمارے لیۓ۔۔۔۔
گوپال غصے سے گھر سے چلا گیا۔۔۔۔
اسے بختی یاد آٸ بہت رویا وہ اسکو یاد کر کے۔۔۔۔
میں پلٹ کر تیری خبر بھی نا لے سکا میری بختی۔۔۔۔۔
تجھ سے ہی میرے بخت تھے سارے۔۔۔۔۔
دیکھ تجھے خود سے جدا کر کے خود بھی درد بہ در ھو گیا ھوں۔۔۔۔۔
معاف کر دینا مجھے میری بختی معاف کر دینا۔۔۔۔
___________________
نرگس رتابہ کو دلہن کا جوڑا دینے آٸ تو رتابہ نے اسے روک لیا۔۔۔۔
انٹی میں پریشان ھوں بہت کچھ کہنا ھے آپ سے۔۔۔۔
بعد میں بولنا ابھی میرے پاس وقت نہيں ۔۔۔۔
انٹی بات ضروری ھے ۔۔
اچھا بولو کیا ھوا۔۔۔۔
انٹی نہيں ھو سکتا میرا نکاح آپکے بیٹے سے۔۔۔۔
نرگس نے حیرانی سے اسے دیکھا۔۔۔۔
کیا مطلب ھے تمھارا کیوں نہيں ھو سکتا۔۔۔۔۔
وہ انگلیاں چٹخانے لگی۔۔۔۔۔
انٹی میں۔۔۔۔۔
ہاں بولو کیا میں؟ نرگس اسکے پاس آٸ۔۔۔۔۔
میں مسلمان نہيں ۔۔۔۔۔
لیکن میں غیر مسلم بھی نہيں ۔۔۔۔
نرگس پریشانی سے بیڈ پر بیٹھی ۔۔۔
رتابہ اسکے قدموں میں بیٹھی۔۔۔۔
میری پرورش ھندو گھرانے میں ھوٸ تھی لیکن میں ھندو بھی نہيں۔۔۔۔
پھر کون ھو تم۔۔۔۔۔۔۔
انٹی یہ تو میں بھی نہيں جانتی۔۔۔
لیکن اتنا ضرور جانتی ھوں کہ ۔۔۔۔۔۔
جب بھی اذان ھوتی ھے تو اذان کے الفاظ میری روح تک پرسکون کر دیتے ھیں ۔۔۔۔
کہتے ھیں تکلیف میں انسان کے منہ سے وہی نام نکلتا ھے جس سے وہ بہت قریب ھوتا ھے۔۔۔
میں نے جب بھی کسی کو تکلیف میں دیکھا اسکے منہ سے ماں کا نام ہی سنا۔۔۔۔
لیکن مجھے جب بھی کوٸ درد ھوا کوٸ تکليف پہنچی میرے منہ سے ھمیشہ *اللہ* کا نام نکلتا ھے۔۔۔۔۔
اور میرے ماما جی کہتے تھے تیری رگوں میں کسی مسلمان کا خون ھے۔۔۔۔
نرگس نے نم ھوتی آنکھوں سے اسکا چہرہ ہاتھوں میں لیا۔۔۔۔
تم مسلمان ھونا چاہتی ھو؟؟
رتابہ نے فورا ہاں میں سر ہلایا۔۔۔۔
تمھیں کلمہ آتا ھے؟
نہيں آتا انٹی ۔۔۔۔ لیکن اتنا معلوم ھے کلمہ پڑھنے سے انسان مسلمان ھوتا ھے ۔۔۔۔۔
نرگس نے اسکا ماتھا چوما۔۔۔۔
دیکھو بیٹا انسان جب پیدا ھوتا ھے نا تو اسکا کوٸ دین کوٸ مذہب نہيں ھوتا۔۔۔۔۔
مسلمان گھرانے میں پیدا ھوگا تو بڑا ھوکر مسلمان ہی بنے گا۔۔۔۔
ھندو گھرانے میں ھوگا تو ھندو۔۔۔۔۔
بچے کو یہ اختیار نہيں ھوتا کہ وہ کہاں پیدا ھوگا۔۔۔ یا کہا پیدا ھونا چاہتا ھے۔۔۔۔
یہ تو میرے رب کے کام ھے کہ وہ بے دین کو بھی ہدایت دے کر اپنے دین پر لاۓ۔۔۔۔
اور جسے چاھے اپنے دین پر رکھ کر بھی گمراہ رکھے۔۔۔۔۔
جانتی ھو۔۔۔
جسے لوگ اپنا مذہب چھوڑ کر اپناتے ھیں اسلام دنیا میں واحد ایسا مذہب ھے ۔۔۔۔۔
لیکن صرف کلمہ پڑھ لینے سے مسلمان نہيں بنتا انسان۔۔۔۔
جب وہ کلمے کے مطلب کو سمجھے اور پورے دل سے قبول کرے کہ اللہ ایک ھے اور مُحَمَّد ﷺ اللہ کے نبی اور رسول ھیں۔۔۔۔۔
جی انٹی جانتی ھوں میں مُحَمَّد ﷺ ۔۔۔۔ اللهُ کے آخری نبی ھیں جن پر قرآن نازل ھوا۔۔۔۔۔۔
تو کیا تم ان سب باتوں پر ایمان لاتی ھو کہ اللہ ایک ھے اسکا کوٸ شریک نہيں ۔۔۔ اور مُحَمَّد ﷺ اللہ کے آخری نبی ھیں ۔۔۔
اور آخرت پر بھی ایمان لاتی ھو کہ یہ جہاں فانی ھے اور ایک دن ھم سب دوبارہ زندہ کیۓ جاٸیں گے۔۔۔ اور روز قیامت اللہ کے سامنے جواب دے ھونگے۔۔۔۔
وہ نرگس کی باتوں میں گم ھو گٸ۔۔۔۔
جی میں ایمان لاتی ھوں دل و جان سے اللہ پر اللہ کے آخری نبی پر اور آخرت پر جب ھم دوبارہ زندہ کیۓ جاٸیں گے اور اپنے ہر ایک عمل کا حساب دیں گے۔۔۔۔۔
اور یہ بھی جانتی ھوں اسلام مکمل ضابطہ ٕ حیات ھے۔۔۔۔
نرگس نے اسکا ہاتھ پکڑا اور سوال پوچھا
بتاؤ تو"حیات" کِس کو کہتے ہیں..؟
رتابہ بولی زندگی کو..؟
نرگس پیار سے اسے دیکھ کر بولی۔۔۔۔ نہیں۔۔۔۔۔
پگلی "حیات" تو وہ ہوتی ہے جِسے کبھی موت نہیں آتی.. دیکھو نہ اللّٰه تعالی کا ایک ایک لفظ ہیرے یاقوت و مرجان سے زیادہ پیارا اور قیمتی اور نصیحتوں سے بھرپور ہے...
اللّٰه نے یہ نہیں کہا کہ اِسلام مکمل ضابطہ زندگی ہے بلکہ یوں کہا کہ مکمل ضابطہ "حیات" ہے اور حیاتی تو مرنے کے بعد شروع ہو گی جِسے کبھی موت نہیں آئے گی...
بیٹی اللّٰہ نے زندگی دی ہے "حیات" کو سنوارنے کے لیئے نہ کہ بگاڑنے کے لیئے تو یہ زندگی بھی بھلا کوئی "حیات" ہے جِسکو موت آ جائے گی... اصل تو وہ "حیات" ہے جِسکو کبھی زوال نہیں کبھی موت نہیں....
تو زندگی ایسے گزارو کہ "حیات" سنور جائے...
اور رتابہ زندگی میں تب پہلی بار سمجھی کہ اسلام مکمل ضابطہ "حیات" ہے کا اصل مطلب کیا ہے...!!
اور یہ مشکلات چند سانسوں کی مہلت تک ھیں ۔۔۔۔۔
نرگس نے اسے کلمہ پڑھوایا اور پھر دل سے لگا لیا۔۔۔۔۔
کلمہ پڑھ کر رتابہ کی بے قرار اور گھاٸل روح کو اک عجیب سا سکون ملا ۔۔۔۔۔
ساتھ میں وہ نمل کو بھی یاد کرنے لگی۔۔۔۔۔۔ جسکی دلی خواہش تھی کہ اگر وہ کوٸ دین اپناتی ھے تو پھر دین اسلام ہی اپناۓ جو مکمل ضابطہ حیات ھے۔۔۔۔۔
________________
ارجع نے سمپل سا رتابہ کو تیار کیا۔۔۔۔
ماشاءاللہ کیا روپ آیا ھے ۔۔۔۔
ہاۓ گیا کام سے آج عضد شاہ۔۔۔۔
ارجع نے اسے دیکھ کر ہاتھ ملے۔۔۔۔
تمھیں پتہ ھے آج تک اس سڑیل کو کوٸ بندی نہيں بھاتی تھی۔۔۔
ہزاروں لڑکیاں اسکے پیچھے پڑی ھیں۔۔۔۔۔ لیکن یہ کسی کو گھاس نہيں ڈالتا۔۔۔۔
اتنا مزاج کا اکڑو اور سخت ھے کہ اپنی ناک پر مکھی بیٹھنا بھی گوارا نہيں اس سڑیل کو۔۔۔۔
لیکن تمھیں دیکھ کر دل ہار بیٹھا وہ ۔۔۔۔۔
تمھارے طلسماتی حسن نے تو مجھے بھی دیوانہ کر دیا ھے۔۔۔۔۔
رتابہ اسکی بات سن کر مسکراٸ۔۔۔۔
وہ دل پر ہاتھ رکھ کر بولی۔۔۔۔
اففففف اللہ یہ جان لیوا مسکراہٹ۔۔۔۔
ارجع کی بات پر اسے نمل یاد آگٸ۔۔۔۔
میرا دل چاھتا ھے میں تجھے اپنی دیورانی بنا لوں ۔۔۔۔
ویسے بھی ولی کا چھوٹا بھاٸ ھے ۔۔۔۔
کیا خیال ھے تیرا۔۔۔۔ نمل نے اسے کہنی ماری۔۔۔
تیرے خیال سمیت دیوی انٹی نے تیرا قتل کر دینا ھے ۔۔۔۔
تیرے پیار میں یہ بھی منظور ھے میری جان نمل کی ھنسی اسکے کانوں میں گونجی۔۔۔۔۔
اسکے آنسو نکل آۓ۔۔۔۔
ارررررے یہ کیا تم رو رہی ھو سارا میک اپ خراب ھو جاۓ گا پلیز ابھی مت رونا۔۔۔۔۔
رتابہ کے آنسو کہاں تھمنے والے تھے۔۔۔۔
پھر اسے وہ منظر بھی یاد آگیا جب نمل اسکی ضد پر شرارہ پہنے باہر آٸ۔۔۔۔۔
وہ مذید رو پڑی ۔۔۔۔۔
ارجع نے گھبرا کر نرگس کو بلایا لیکن وہ مہمانوں میں مصروف تھیں۔۔۔۔
پلیز یار چپ ھوجاٶ میری ساری محنت کا بیڑہ غرق کر دوگی تم۔۔۔۔۔
عضد مجھے کچا چبا جاۓ گا کہ میں نے اسکی دلہن کو چڑیل بنا دیا ھے۔۔۔۔
ارجع کے انداز پر وہ روتے روتے مسکراٸ ۔۔۔
ارجع کو ایسے لگا جیسے دھوپ میں برسات ھو رہی ھو۔۔۔۔۔
__________________
ان کی تجلیوں کا اثر کچھ نہ پوچھیے
وہ میرے سامنے تھے مگر کچھ نہ پوچھیے
از شامِ ہجر تا بہ سحر کچھ نہ پوچھیے
کٹتے ہیں کیسے چار پہر کچھ نہ پوچھیے
ہو ایک راستہ تو کوئی ڈھونڈے انھیں
کتنی ہے ان کی راہگزر کچھ نہ پوچھیے
تنکے وہ نرم نرم سے پھولوں کی چھاؤں میں
کیسا بنا تھا باغ میں گھر کچھ نہ پوچھیے
بس آپ دیکھ جایئے صورت مریض کی
نبضوں کا حال دردِ جگر کچھ نہ پوچھیے
جب چاندنی میں آ کے ہوئے تو وہ مہماں
تاروں بھری وہ رات قمر کچھ نہ پوچھیے.....
جازب کا خوبصورت شاعرانہ انداز اوپر سے تاروں بھری رات ۔۔۔۔
سب واہ واہ کر اٹھے۔۔۔۔۔
شاہ جی مسکراتے ھوۓ بولے۔۔۔۔
کیا کیا نا کیا تیرے پیار میں ھم نے صنم۔۔۔۔
کبھی دیوانے۔۔۔ کبھی قاتل تو کبھی شاعر بنے ھم۔۔۔۔۔
اسد کا قہقہہ بلند ھوا۔۔۔۔ واہ شاہ جی واہ ۔۔۔۔۔
شاہ جی جازب کو افسردہ دیکھ کر بولے۔۔۔۔
میں گیا تھا یار تیری دلربا کے پیچھے ۔۔۔۔۔
لیکن وہ لوگ کہیں اور چلے گۓھیں۔۔۔۔
جازب نیم دراز لیٹا ھوا تھا شاہ جی کی بات سن کر اٹھ بیٹھا۔۔۔
کہاں گۓ وہ۔۔۔۔۔
شاہ جی نے کندھے اچکاۓ مجھے نہيں معلوم ۔۔۔
لیکن تو فکر نا کر ڈھونڈنے سے تو خدا بھی مل جاتا ھے۔۔۔۔
اسد بولا ۔۔۔
بات اسکو ڈھونڈنے کی نہيں پہلے یہ تو یہ بات دماغ میں بٹھا کہ وہ تجھے قبول نہيں کرے گی۔۔۔
بڑی خودار اور نڈر لڑکی ھے۔۔۔۔
شاہ جی بولا۔۔۔ کیوں نہيں کریگی قبول کیا کمی ھے میرے شہزادے میں۔۔۔۔۔۔
یار کمی نہيں کوٸ اسی بات کا مسٸلہ ھے۔۔۔۔۔
شاہ جی اسکا پوائنٹ سمجھ کر ہاں میں سر ہلانے لگا۔۔۔۔
عامر روتا منہ بنا کر بولا۔۔۔
میرے خواب ریزہ ریزہ۔۔۔۔
جازب نے پاس پڑا گلاس اسے ھنستے ھوۓ مارا اس نے فورا کینچ کیا اور گنگنایا۔۔۔۔
مت رو میرے دل ۔۔۔۔
چپ ھو جا ھوا سو ھوا۔۔۔۔
وہ جو پیار میں ھوتا ھے۔۔۔۔۔
اسکی بدھی آواز سنکر شاہ جی نے اسکے منہ پر ہاتھ رکھا۔۔۔
بس کر یار ۔۔۔۔
تو جب گنگناتا ھے نا تو ایسے لگتا ھے گدھا ھن ھنا رہا ھے۔۔۔۔
سب کی ھنسی پر عامر نے شاہ جی پر مکوں کی برسات کر دی۔۔۔۔
وہ ھنستا ھوا خود کوبچاتے ھوۓ بولا۔۔۔
بس کر یار کھوتے مکے نہيں لاتے مارتے ھیں۔۔۔۔۔۔
عامر بھی ھنس پڑا۔۔۔۔۔۔۔
_________________
اِرجع کا ہاتھ تھامے سیڑھیاں اترتی رتابہ پر جب نرگس کی نظر پڑی تو وہ اسے ہکا بکا دیکھتی رہ گئ سرخ لباس میں ہلکے سے میک اپ اور جیولری کے ساتھ دلہن بنی وہ غضب ڈھا رہی تھی نرگس اسکی بلائیں لیتی ھو ئ بولی جاؤ ارجع اسے ڈرائنگ روم لے جاؤ میں آتی ھوں
رتابہ نے مڑ کر بھرائ ھوئ آنکھوں سے دیکھا نرگس کی طرف انٹی ایک بار پھر سوچ لیں آپ.......
نرگس نے اسے پیار سے تسلی دیتے ھوۓ کہا تم گھبراؤ نہیں میرا فیصلہ کبھی غلط نہیں ھوتا مجھے اپنے بیٹے پر یقین ھے وہ کبھی مجھے مایوس نہیں کرے گا نرگس کی بات سن کر رتابہ نے سر جھکا لیا
ارجع نے ڈرائنگ روم میں لے جا کر اسے عضد شاہ کے ساتھ بٹھایا کمرے میں بلکل خاموشی تھی جو کچھ لمحوں بعد نرگس کی آواز سے ٹوٹی مولوی صاحب نکاح شروع کیجیے ......
مولوی صاحب نے جب نکاح نامے پر رتابہ کا نام لکھنے کے بعد اسکے والد کا نام پوچھا تو اسکا کا دل اچھل کر حلق میں آگیا اسے تو یہ بھی نہیں معلوم تھا کہ اسکا باپ اس دنیا میں ھے بھی یا نہیں اگر ھے تو کہاں ھے ؟؟؟ حتیٰ کہ وہ اپنے باپ کے نام تک سے ناواقف تھی ...
رتابہ کے کانپتے ہاتھ اور عضد کی سوالیہ نظروں سے نظر چراتے ھوۓ نرگس بولی ایاز احمد .....
ایاز احمد کا نام سن کر عضد کو دھچکا لگا کیونکہ وہ اس شخص کا نام تک لینا گوارا نہیں کرتا تھا اب وہ یہ کیسے گوارا کرتا کہ اسکی زوجیت میں آنے والی لڑکی ایاز احمد کی بیٹی ھے حالانکہ اسے علم تھا کہ وہ ایاز احمدکی بیٹی نہیں پھر بھی اسکا نام سن کر بمشکل اس نے اپنے غصے پر قابو پایا .....
نکاح میں جب نام پکارا گیا رتابہ کا عضد شاہ کے ساتھ تو نہایت ناگواری اور بے بسی سے اس نے نرگس کی طرف دیکھا مولوی صاحب کے تیسری بار پوچھنے پر بھی اسکی خاموشی نا ٹوٹی تو نرگس کے جڑے ہاتھ دیکھ کر وہ اپنے آنسو حلق میں اتار کر بولا
” قبول.......... ھے “
اسکی” قبول ھے “میں اسکا چیختا ھوا انکار گھونگھٹ میں بیٹھی رتابہ کو صاف سنائ دیا اسے یوں لگا جیسے بازار میں پڑی وہ کوئ معمولی سی چیز تھی جسے زبردستی خریدار پر سستے داموں بیچا گیا ھو...
آج پہلی بار اپنے نام کے ساتھ دو نام ایک ساتھ جڑے سن کر اسکا دل دماغ بلکل کام کرنا چھوڑ گیا اسے اتنا بھی ھوش نا رہا کہ کب اس نے نکاح کےلیۓ ہاں کہا کب دستخط کیۓ اور کب وہ عضد شاہ کے کمرے میں لائ گئ اور پھولوں کی سیج میں بیٹھے ھوۓ اسے آدھی رات گزر چکی تھی ھوش کی دنیا میں وہ تب آئ جب عضد کمرے میں داخل ھوکر اسکے سر پہ کھڑا ھو کر چلایا
”اٹھو میرے بستر سے ”...
رتابہ اسکی آواز پر سٹپٹا کر اسے دیکھنے لگی اسکی بڑی بڑی سیاہ آنکھوں میں وہ جھانک کر بولا تم سے کہہ رہا ھوں اٹھو میرے بستر سے اسکے دوسری بار کہنے پر رتابہ اپنی بھاری فراق سنبھال کر اٹھ کھڑی ھوئ
وہ اسے گیٹ کی طرف اشارہ کر کے بولا نکلو میرے کمرے سے باہر .... عضد کی بات سن کر اسکی آنکھیں مذید حیرت سے پھیل گئیں اور وہ سہم کر بولی ککککک کیا مطلب ؟؟؟؟
وہ نہایت نفرت سے دانت چبا کر بولا کیوں تمھیں اردو نہیں آتی کہ اب میں تمھیں کمرے سے باہر جانے کا مطلب بھی سمجھاؤں .... رتابہ اس سے ڈر کر دو قدم پیچھے ہٹی ممممم میں باہر کیسے جا سکتی ھوں مہمان ھیں کسی نے.... ابھی اس نے بات پوری ہی نہیں کی تھی کہ وہ اسکی بات کاٹتے ھوۓ بولا ۔۔۔۔
اس سے پہلے کہ تمھیں اس کمرے سے دھکے دے کر باہر نکالوں خود نکل جاؤ تو اچھا ھے تمھارے لیۓ ....
شادی کی پہلی رات تھی اور مہمانوں سے گھر بھرا ھوا تھا اسے کچھ سمجھ نا آئ تو کچھ لمحوں بعد وہ نہایت بے چارگی سے بولی میں خود نہیں آئ آپکے کمرے میں امی نے یہاں لایا مجھے ....
وہ حقارت بھرے لہجے میں ایک ایک لفظ چبا کر بولا میری ماں ھے وہ تمھاری نہیں ......
عضد کے غصے سے سہمے ھوۓ لہجے میں بولی۔۔۔۔
مجھے معلوم ھے وہ ماں ھے آپکی لیکن میں بھی غیر نہیں آپکی بیوی ......
ابھی بیوی کا لفظ اسکے منہ میں ہی تھا کہ عضد نے اسے زوردار تھپڑ دے مارا.......
جاری ھے ۔۔۔۔۔۔۔۔۔
Post a Comment