Bd Bhakht Episode 12, Sad urdu novels- Revenge based urdu novels

 سچی کہانی : بد بخت
قسط نمبر : 12
از قلم : عرشی نور

ڈاکٹرز نے کچھ فوری ٹیسٹ لیۓ۔۔۔۔

اور رپورٹس لے کر عضد کے پاس آٸ ایک لیڈی ڈاکٹر۔۔۔۔۔

مسٹر عضد مبارک ھو آپکو۔۔۔

آپ باپ بننے والے ھیں۔۔۔۔

آپکی wife pregnant ھے۔۔۔۔۔

ڈاکٹر کی بات سن کر رتابہ اورعضد دونوں ایسے حیرانی سے دیکھنے لگے جیسے ان دونوں کے سر پر بم پھٹا ہو ۔۔۔۔۔۔

رتابہ کی تو سانسیں رکنے لگیں۔۔۔۔۔

عضد کا دل چاہا کہ وہ اسے جان سے مار دے۔۔۔

ان دونوں کے چہرے کے تاثرات دیکھ کر ڈاکٹر نے پوچھا۔۔۔۔

کیا ہوا ہے خیریت تو ہے نا۔۔۔

آپ تو ایسا ری ایکٹ کر رہے ہیں جیسے کوئی بڑی عجیب بات کر دی ہے میں نے۔۔۔۔۔۔

عضد لمبے لمبے قدموں کےڈگ بھرتا وہاں سے باہر چلا گیا۔۔۔۔

رتابہ کی تو آواز ہی نہیں نکل رہی تھی۔۔۔۔

وہ کیا کہتی۔۔۔۔

ڈاکٹر اس کو سوالیہ نظروں سے دیکھنے لگی۔۔۔۔۔

رتابہ سر جھکا کربولی۔۔۔۔

میڈم دراصل ان کو بچے بالکل پسند نہیں اس لیے یہ ایسا کر رھے ھیں۔۔۔۔

تو کیا اب تم ابارشن کرواٶ گی۔۔۔

قتل کرو گی اس معصوم سی جان کا۔۔۔۔

وہ خاموش رہی اور دل میں سوچنے لگی کہ اس نے ابھی تک مجھے قبول نہيں کیا تو بچے کو کیسے قبول کریگا۔۔۔۔۔

ڈاکٹر کی آواز پر وہ چونکی۔۔۔۔۔ کیا سوچ رہی ہیں آپ ؟

سمجھائیں اپنے شوہر کو بہت بڑا گناہ ھے یہ ۔۔۔۔

رتابہ سر ہاں میں ہلا کر چپ چاپ اٹھی۔۔۔۔

اور بہت مشکل سے خود کو سنبھالتے ہوئے عضد کی گاڑی کے پاس آٸ۔۔۔۔۔

وہ وہاں موجود نہيں تھا گاڑی بھی لاک تھی اور زیادہ گھبرا گئی اور ادھر ادھر نظریں دوڑا کر اسے ڈھونڈنے لگی۔۔۔۔۔

وہ کہیں نظر نا آیا ۔۔۔۔۔

وہ گاڑی کے پاس ہی کھڑی ھو گٸ۔۔۔۔۔

کچھ دیر بعد وہ اچانک آکر اس پر دھاڑا۔۔۔۔

گھر چلو۔۔۔۔۔۔

اسکی آواز پر رتابہ کی چیخ نکل گئی۔۔۔۔۔۔

وہ جلدی سے گاڑی میں بیٹھی۔۔۔۔

عضد کے خوف سے اسکے آنسو بھی خشک ھو گۓ۔۔۔۔۔

گھر پہنچ کر عضد نے اسے گاڑی سے کھینچ کر باہر نکالا اور گھسیٹتا ھوا اسےاندر لے گیا۔۔۔۔

نرگس نماز پڑھ کر دعا میں مصروف تھی ۔۔۔۔

عضد نے اسے نرگس کے قدموں میں لاکر پھینکا۔۔۔۔۔

نرگس بھی بری طرح سے ڈری۔۔۔۔۔

غصے اور حقارت سے اسکا منہ لال سرخ ھو رہا تھا۔۔۔۔۔

یہ کیا بدتمیزی ھے ۔۔۔۔

نرگس نے آنکھیں دکھاٸیں عضد کو۔۔۔۔۔۔

مجھے چھوڑیں پہلے پوچھیں اپنی اس بے چاری رتابہ سے کیا ھوا ھے اسے ؟؟

نرگس نے رتابہ کیطرف دیکھا جسکے چہرے پر خوف سے ھواٸیاں اڑ رہی تھیں۔۔۔

بولو کیا ھوا ھے؟ کیوں ھے یہ اتنے غصے میں۔۔۔۔

رتابہ کی آواز سانسوں کیطرح اسکے حلق میں أٹکی۔۔۔۔۔۔

انٹی۔۔۔۔۔۔ وہ۔۔۔۔ ممممم۔۔۔ میں۔۔۔۔۔

عضد اسے جھنجھوڑ کر چیختا ھوا بولا۔۔۔۔

اب بولو بھی کیا گلُ کھلایا ھے تم نے۔۔۔۔۔۔

نرگس نے اسے چھڑایا عضد سے۔۔۔۔۔

پیچھے ہٹو اور خبردار جو دوبارہ اس بچی کیساتھ اسطرح پیش آۓ۔۔۔۔۔

عضد شدید غم و غصے سے چلا کر بولا ۔۔۔۔

آپکی یہ بچی بچے کی ماں بننے والی ھے۔۔۔۔۔

نرگس کی آنکھیں پھٹی کی پھٹی رہ گئیں کیا کہہ رہے ہو تم۔۔۔۔۔۔

وہی کہہ رہا ھوں جو آپ سن چکی ھیں۔۔۔۔۔۔

نرگس نے رتابہ کی طرف دیکھا تم پریگنینٹ ہو؟؟

رتابہ جو اپنے اندر آنسوٶں کا طوفان روکے ھوۓ تھی نرگس کے پوچھتے ہی وہ با آواز رو پڑی۔۔۔۔۔۔

امی اس سے پوچھیں کس کا گناہ یہ اپنی کوکھ میں لیۓ پھر رہی ھے میں ایک پل بھی برداشت نہيں کرونگا اب اسے بھی اس گھر میں۔۔۔۔۔۔

نرگس کی سمجھ میں نہيں آرہا تھا وہ کیا کرے اور کیا کہے۔۔۔

عضد بچوں کیطرح روپڑا۔۔۔۔۔

امی یہ پسند تھی آپکو میرے لیۓ۔۔۔۔۔

جو کسی اور کا گناہ ۔۔۔۔۔۔۔

رتابہ نے عضد کی بات کاٹی۔۔۔۔۔

بس کردیں عضد بس۔۔۔۔۔

آپکی مجھ سے نفرت اپنی جگہ لیکن اتنا بڑا الزام تو نا لگاٸیں۔۔۔۔

عضد ابلتے ھوۓ لاوے کیطرح اسکی طرف بڑھا ۔۔۔

میں الزام لگا رہاھوں تم پر۔۔۔۔۔

جی الزام لگا رھے ھیں آپ مجھ پر میں نے کوٸ گناہ نہيں کیا۔۔۔۔ ہر عورت شادی کے بعد ماں بنتی میں بھی بن گٸ ۔۔۔

تو اس میں اتنا آگ بگولہ ھونے والی کونسی بات ھے۔۔۔۔

تمھارا مطلب یہ بچہ میرا ھے۔۔۔۔

رتابہ نے بچوں کیطرح ہاں میں سرہلایا ۔۔۔

ظاہر سی بات ھے آپ سے شادی ھوٸ تو بچہ بھی آپکا ھی ھے نا۔۔۔۔۔

اسکی بات سن کر نرگس کے پیروں تلے زمین نکل گٸ۔۔۔۔۔

عضد نے اسے گلے سے پکڑا۔۔۔۔۔

بکواس کرتی ھو۔۔۔

اپنا آپ گنوا کر بھی دل نہيں بھرا کہ اپنے اندر پنپنے والی غلاظت میرے متھے مار رہی ھو۔۔۔۔۔

عضد نے زور سے اسکا گلا دبایا۔۔۔۔

اسکی سانسیں رکنے لگیں۔۔۔۔

نرگس نے بڑی مشکل سے چھڑایا عضد سے اسکو۔۔۔۔۔۔

وہ زور زور سے کھانستے ھوۓ سانس لینے لگی۔۔۔۔۔

نرگس کی کچھ سمجھ میں نہيں آرہا تھا وہ کیا کہہ رہی تھی۔۔۔۔۔۔

وہ پھر اسکی طرف بڑھا۔۔۔۔تمھیں اپنے بچے کی ماں بنانا تو بہت دور کی بات ھے میں تم پر تھوکنا بھی پسند نہيں کرتا۔۔۔۔۔

نرگس نے عضد کو زبردستی کمرے سے دھکیل کر باہر نکالا۔۔۔۔۔

وہ غصے میں بلکل اندھا ھوگیا تھا۔۔۔۔۔

نرگس جانتی تھی کہ عضد سب کچھ برداشت کر سکتا تھا لیکن جھوٹ اور گندگی بلکل برداشت نہيں ھوتی چاھے وہ گھر کی ھو کردار کی یا زبان کی۔۔۔۔۔

___________________

بابا جانی ۔۔۔۔

نمل نے مسجد سے آتے ھوۓ حافظ صاحب کو بلایا۔۔۔۔

جی بولو بیٹا۔۔۔۔

بابا میں اپنا ماسٹرز مکمل کرنا چاھتی ھوں۔۔۔۔۔

لیکن بیٹا یہاں کی یونیورسٹیز اور بورڈ کا کچھ نہيں معلوم ھمیں۔۔۔۔

تو کیا ھوا بابا پتہ کرنا کونسا مشکل ھے ۔۔۔۔۔

ٹھیک ھے جیسے تمھاری مرضی۔۔۔۔

بابا ایک اور بات کہوں ۔۔۔۔

ہاں کہو۔۔۔

بابا کسی طرح بختی کاپتہ کروا دیں وہ واپس آٸ یا نہيں ۔۔۔۔

اسکے لیۓ تو کراچی جانا ھوگا بیٹا۔۔۔

تو بابا چلتے ھیں نا۔۔۔۔

بیٹا بار بار وہاں جانا اتنا آسان نہيں ۔۔۔۔۔

کیوں بابا اس میں مشکل کیا ھے۔۔۔۔

بیٹا ھم اُس محلے سے نکالے گۓ ھیں۔۔۔۔۔۔

وہاں ھمارا کوٸ خیرخواہ نہيں ۔۔۔۔۔

نمل کا منہ لٹک گیا۔۔۔۔

اچھا اداس مت ھو میں کچھ دنوں میں معلوم کروا لونگا۔۔۔۔

نمل خوشی سے مسکراٸ۔۔۔۔

اسے مسکراتا دیکھ کر حافظ صاحب کے دل کو سکون ملا۔۔۔۔

_________________

نرگس بختی کو اسپتال سے واپس لاٸ۔۔۔۔۔

تمھیں یہ بھی نہيں معلوم تھا کہ تم تین مہینے سے امید میں ھو۔۔۔۔۔

اس نے نا میں سر ہلایا۔۔۔۔

نرگس کو اسوقت اس پر بہت ترس آیا۔۔۔

اسے یہ بھی نہيں معلوم تھا کہ عورت ماں کب بنتی ھے۔۔۔

اسکے معصوم سے ذہن میں بس یہ بات تھی کہ عورت شادی کے بعد ماں بنتی ھے۔۔۔۔۔۔

نرگس کیسے بتاتی اسے کہ وہ جس کے ہاتھوں تباہ ھوٸ اسی کا بوجھ پیٹ میں لیۓ وہ انجان تھی۔۔۔۔۔

لیکن اسے سمجھانا بھی ضروری تھا۔۔۔۔

فی الحال نرگس نے اسکے معصوم سے ذہن پر بوجھ نہيں ڈالا کیونکہ وہ پہلے ہی اپنے ناکردہ گناہ کا بوجھ اٹھاۓ ھوۓ تھی۔۔

________________

عضد آفس کے کام سے کچھ ماہ کیلیۓ لندن جا رہا تھا۔۔۔۔۔

اپنا سامان ٹیچی میں رکھتے ھوۓ اس نے اندر آتی نرگس کو دیکھا۔۔۔۔

اب بھی ناراض ھو مجھ سے۔۔۔۔

میں کسی سے ناراض نہيں ۔۔۔۔

تم جارھے ھو مجھے چھوڑ کر۔۔۔۔

امی اگر آپکو چھوڑ کر جانا ھوتا تو اسی دن چلا جاتا جس دن آپ نے مجھے نکاح کیلیۓ مجبور کیا تھا۔۔۔۔۔

نرگس کی آنکھوں میں آنسو تھے۔۔۔۔

کب واپس آٶ گے۔۔۔۔

وہ نرگس کے بھراۓ ھوۓ لہجے پر پلٹا۔۔۔۔۔

آجاٶنگا دو تین ماہ بعد۔۔۔۔۔

بیٹا مجھ سے اسطرح ناراض ھو کر مت جاٶ۔۔۔۔

میں مر گٸی۔۔۔۔۔

اس نے ماں کے منہ پر ہاتھ رکھا ایسا تو نا کہیں۔۔۔۔۔

نرگس اسکے ہاتھ چومنے لگی۔۔۔۔

مجھے معاف کر دو۔۔۔۔۔

امی کیا کر رہی ھیں آپ۔۔۔۔۔

عضد نے ماں کو گلے سے لگایا۔۔۔۔

بیٹا رتابہ پر کڑھنا یا غصہ کرنا چھوڑ دو ۔۔۔

وہ اتنی معصوم ھے کہ اسے یہ بھی نہيں پتہ کہ عورت ماں کیسے بنتی ھے۔۔۔۔۔۔

امی بس رہنے دیں۔۔۔۔

میرے سامنے اسکی وکیل بن کر مت آیا کریں۔۔۔۔۔

امی انسان کے جسم پر ایک معمولی سا دانہ بھی نکل آۓ نا تو وہ معمولی سا دانہ بھی اپنا احساس دلاتا ھے۔۔۔۔۔

اور اسکے وجود میں ایک اور وجود تین ماہ سے پلتا رہاسانس لیتا رہا اور وہ اس بات سے بے خبر رہی۔۔۔۔۔۔

بیٹا عورت جب پہلی بار ماں بنتی ھے تو اسے کچھ بھی ٹھیک سے معلوم نہيں ھوتا۔۔۔۔

امی آپ مجھے بےوقوف بنا رہی ھیں یا خود کو یا آپ اسے بے وقوف سمجھ رہی ھیں جو جھوٹ کی گٹھلیاں اٹھاۓ ھمارے گھر ڈیرہ ڈال کر ھمیں ھی بے وقوف بنا رہی ھے۔۔۔۔۔

وہ آپکو معصوم بن کر اپنے سانچے میں ڈھال سکتی ھے ۔۔۔

عضد شاہ کو نہيں ۔۔۔۔۔

نرگس چپ ھو گٸ۔۔۔۔۔

ماں سے ملکر وہ ٹیچی کیس اٹھا کر جانے لگا۔۔۔۔۔

ایک دم کمرے سے نکلتے ھوۓ رتابہ اسکے سامنے آگٸ۔۔۔۔

اسے دیکھ کر عضد کا خون کھول اٹھا۔۔۔۔۔

وہ اسے ہاتھ سے پرے دھکیل کر چلتا بنا۔۔۔۔۔۔۔

_________________

وقت تیزی سے پر لگا کر اڑتا رہا۔۔۔۔

اور دیکھتے ہی دیکھتے چھ ماہ گزر گۓ۔۔۔۔

رتابہ کی ڈلیوری کا وقت بھی قریب تھا۔۔۔۔۔

عضد کو بھی واپس آۓ ھوۓ مہینہ ھو گیا تھا۔۔۔۔۔

رتابہ نرگس کے روم میں لیٹی ھوٸ تھی کہ اچانک اسے لیبر پین اسٹارٹ ھوا وہ دیوار کا سہارا لے کر باہر آٸ۔۔۔۔۔

نرگس باہر لان میں فون پر مصروف تھی ۔۔۔۔۔

وہ نرگس کو پکارتی سیڑھیاں اترنے لگی تو خود کو سنبھال نا سکی اور گیند کیطرح لڑھکتی ھوٸ خون سے لت پت فرش پر آگری ۔۔۔

اسکی فلگ شگاف چیخیں سن کر نرگس بھاگتی ھوٸ اندر آٸ۔۔۔۔

عضد بھی اپنے روم سے باہر نکلا۔۔۔۔۔

رتابہ درد سے تڑپ رہی تھی ۔۔۔۔

نرگس کے ہاتھ پیر پھول گۓ۔۔۔۔

اس نے عضد جلدی کرو اٹھاٶ اسے ھسپتال لے کر جاٸیں۔۔۔

عضد بولا۔۔۔

آٸ ایم سوری امی ۔۔۔۔

میری ذمہ داری نہيں یہ۔۔۔۔۔

نرگس اسکی سفاکی پر اسے دیکھتی رہ گٸ۔۔۔۔

پھر جلدی سے ایمبولینس منگوا کر اسے ھسپتال پہنچایا۔۔۔۔۔

اسکی حالت کافی سیریٸس تھی۔۔۔۔

نرگس رو رو کر اسکے لیۓ دعا گو تھی۔۔۔۔۔۔۔

ڈاکٹر آپریشن تھیٹر سے باہر آٸ۔۔۔۔

ھم بچے یا ماں میں سے کسی ایک کی جان بچانے کی کوشش کر سکتے ھیں۔۔۔۔

نرگس نے کہاں۔۔۔

ماں کی بچا لیں۔۔۔۔۔

ڈاکٹر پھر بولی۔۔۔

مشکل بہت ھے کہ ھم اسے بھی بچا سکیں۔۔۔۔

نرگس اکیلی تھی اپنا درد کسی سے بانٹ بھی نہيں سکتی تھی۔۔۔۔

وہ رب کے آگے جھکی رہی گڑگڑاتی رہی۔۔۔۔۔

لیکن اللہ کے فیصلوں کے آگے کون ڈٹ سکتا ھے۔۔۔۔

کسے جان دینی ھے یا کس کی جان لینی ھے یہ سب رب کے فیصلے ھیں۔۔۔۔۔

انسان یہاں آکر بہت بے بس ھوجاتا ھے۔۔۔۔۔

ڈاکٹر کچھ دیر میں باہر آٸ۔۔۔

بچے کے رونے کی آواز سن کر نرگس نے سجدے سے سر اٹھایا۔۔۔۔۔

مبارک ھو بیٹا ھوا ھے ۔۔۔۔۔۔

نرگس نے اس ننھے سے فرشتے کو گود میں لیا۔۔۔۔۔

میری بہو کیسی ھے۔۔۔۔۔

انکا ھم ابھی کچھ نہيں کہہ سکتے بلڈ بہت ضائع ھوا ھے اگر 24 گھنٹوں میں ھوش میں آگٸ تو ٹھیک ورنہ۔۔۔۔۔۔

نرگس کا دل دہل کر رہ گیا۔۔۔۔۔

وہ بچہ بھی بلک بلک کر رونے لگا جیسے اس نے بھی ماں سے بچھڑنے کی خبر سن لی ھو۔۔۔۔۔

نرگس اسے چپ کروانے لگی۔۔۔۔

کہاں آگۓ ھو تم اس ظالم دنیا میں۔۔۔۔۔

جہاں کوٸ تمھیں قبول نہيں کریگا۔۔۔۔۔

________________

نرگس کے آنسو ضائع نا گۓ رب نے اسکی سن لی ۔۔۔۔

رتابہ کو ھوش آگیا تھا۔۔۔۔۔

اس نے سب سے پہلے اپنے بچے کو پکارا۔۔۔۔

میرا بچہ کہاں ھے۔۔۔۔۔

نرگس اندر آٸ اسے خوب پیار کیا۔۔۔۔

امی جان میرا بچہ ؟؟

نرس بچہ اٹھا کر لاٸ۔۔۔۔

نرگس نے نرس سے لے کر بچہ اسکی گود میں دیا ۔۔۔۔

رتابہ کے لیۓ ماں بننے کا احساس سب سے الگ تھا۔۔۔۔

اس نے بچے کو غور سے دیکھا۔۔۔

پھر چھم چھم برستے نینوں سے نرگس کو دیکھا۔۔۔

امی یہ میرا بچہ ھے میرا ۔۔۔

وہ بے یقینی سے بولی پھر بچے کو اپنے سینے سے لگا کر دیوانوں کیطرح چومنے لگی۔۔۔۔۔

میں ماں بن گٸ۔۔۔۔

میں ماں۔۔۔۔

ماں۔۔۔۔

ماں۔۔۔۔۔

وہ پاگلوں کیطرح کبھی ھنستی کبھی روتی۔۔۔۔

نرگس نے اسکا ماتھا چوما۔۔۔۔

ہاں میری جان تمھارا بچہ ھے یہ۔۔۔۔

ماں ھو تم اسکی۔۔۔۔۔

امی میں ماں ھوں ماں ۔۔۔۔۔۔۔

بن ماں کے پلی تھی وہ۔۔۔۔

ماں کیا ھوتی ھے کیسی ھوتی اسے نہيں معلوم تھا۔۔۔۔۔۔

لیکن آج وہ خود ماں بن گٸ تھی ۔۔۔۔۔۔

لیکن وہ اس بات سے بے خبر تھی کہ وہ ماں بھی اس بد بخت بچے کی بنی ھے جو آنیوالے وقت میں اس کے لیۓ صرف ذلت و رسواٸ کا سبب تھا۔۔۔۔۔

وہ خود بھی بد بخت تھی۔۔۔

اب اسی بد بختی سے ایک اور بد بخت نے جنم لیا تھا۔۔۔۔۔۔۔

_____________________________

جازب اپنی دھن میں مگن گاڑی ڈرائيو کر رہا تھا۔۔۔۔

جب اچانک کسی دشمن نے اس پر حملہ کیا۔۔۔۔

فاٸرنگ سے گاڑی کے فرنٹ کا شیشہ چور چور ھوگیا۔۔۔

جازب اچھا خاصا زخمی ھوا۔۔۔

وہ جلدی سے اپنی گن لوڈ کر کے باہر نکلا۔۔۔۔

ھاٸ لیکس میں پورے چار آدمی تھے۔۔۔۔

جازب خود کو بچاتا ھوا ان پر فاٸر کرنے لگا۔۔۔۔

جازب کی فاٸرنگ سے انکے دو آدمی دنیا سے کوچ کر گۓ۔۔۔۔

لیکن ان میں سے ایک نے جازب کی پیٹھ پر وار کیا گولی جازب کی ریڑھ کی ہڈی کو چیرتی ھوٸ پیٹ سے باہر نکلی۔۔۔۔

اس نے پلٹ کر اس پر فاٸر کرنا چاہا پر گولیاں ختم تھیں۔۔۔۔

وہ جازب کے قریب آۓ۔۔۔۔

جازب گاڑی کا سہارا لے کر کھڑا ھوا۔۔۔۔

اور پیچھے سے وار کرنے والے کو گردن سے دبوچ لیا۔۔۔

اسکے دوسرے ساتھی نے جازب کی پسلیوں پر گن رکھ کر گولیاں آر پار کر دیں۔۔۔۔

لیکن جازب نے تب تک اسے نا چھوڑا جب تک اسکا سانس نا نکلا۔۔۔۔

آخری ہچکیوں تک وہ زمین پر ایڑیاں رگڑتا رہا۔۔۔۔۔۔

جب اسکا جسم بے جن ھوا تو جازب خود بھی زمین پر گر پڑا۔۔۔۔۔

اسکے سانس اکھڑنے لگے۔۔۔۔۔

اپنی ماں کا منتظر چہرہ اسکے سامنے تھا۔۔۔۔۔

پھر نمل کا دلہن بنا سراپا اسکی آنکھوں میں لہرایا۔۔۔۔۔

نمل اسے اپنے سامنے مسکراتی نظر آٸ۔۔۔۔۔۔

اسکی آواز اسکے کانوں میں گونجی۔۔۔۔۔

تم یہ جان لیوا کھلونے ہاتھوں میں لے کر خود کو مرد سمجھتے ھو۔۔۔۔۔

تم تو وہ کیڑے ھو جو بھوکے انسان سے بھی اسکا خون چوس کر پلتے ھیں۔۔۔

بڑا مان ھے نا ان کھلونوں پر جس کے بل بوتے تم لوگوں کی زندگیوں کا سودا کرتے ھو۔۔۔۔

یاد رکھنا کل یہی کھلونے تمھاری تقدیر سے بھی کھیلیں گے۔۔۔۔

اور تمھارا وجود بھی خون سے لت پت کسی روڈ کے کنارے پڑا ملے گا۔۔۔۔۔۔

کسی کی خاموش آھیں اور التجاٸیں اسکے کانوں میں چلا رہی تھیں۔۔۔۔

جازب کی آنکھوں سے آنسو کن پٹیوں پر بہنے لگے۔۔۔۔۔

پھر اسکی آنکھیں بند ھونے لگیں۔۔۔۔۔۔

جاری ھے۔۔۔۔۔۔۔۔

Tags:

new urdu novels

romantic urdu novels

forced marriage urdu romantic novels

most romantic urdu novels

long urdu novels 

kidnapping based urdu novels

revenge based urdu novels